Colombo Today Local News

ශල්‍යාගාරවල තදබදය මගහරවා ගන්න පෞද්ගලික රෝහල්වල ශල්‍යාගාර ආණ්ඩුවට කුලියට ගන්න යයි

රජයේ රෝහල්හි ශල්‍යාගාරවල දැනට පවතින තදබදය මගහරවා ගැනීම සඳහා කොළඹ හා තදාසන්න ප්‍රදේශවල පිහිටි පෞද්ගලික රෝහල්වල ශල්‍යාගාර කඩිනමින් කුලී පදනම මත ලබා ගැනීමට රජයේ අවධානය යොමුව ඇත.

ඊට අදාළ ව්‍යාපෘති වාර්තාවක් සකස් කොට වහාම භාර දෙන ලෙස ජනාධිපති කාර්යාලය සෞඛ්‍ය අමාත්‍යාංශයේ ලේකම්වරයා වෙත දැනුම් දී තිබේ.

පෞද්ගලික රෝහල් කිහිපයක අධ්‍යක්ෂවරුන් ජනාධිපති ලේකම්වරයා ඇතුළු ඉහළ නිලධාරීන් සමග මේ පිළිබඳව සාකච්ඡා කර තිබේ.

පෞද්ගලික රෝහල්හි ශල්‍යාගාරවල ශල්‍යකර්ම නොකෙරෙන අවස්ථාවන්හිදී රජයේ රෝහල්වලට යම් සාධාරණ කුලියකට ලබාදිය හැකි බව ​පෞද්ගලික රෝහල් අධ්‍යක්ෂවරුන් මෙහිදී පෙන්වා දී ඇත.

ඒ අනුව පෞද්ගලික රෝහල්හි ශල්‍යාගාර ලබා ගන්නා ආකාරයත්, රජයේ විශේෂඥ වෛද්‍යවරුන් ඇතුළු කාර්ය මණ්ඩල ඊට යොමු කරනා ආකාරය ගැනත් විධිමත් වැඩපිළිවෙළක් සකස් කොට භාර දෙන ලෙස ජනාධිපති කාර්යාලය සෞඛ්‍ය අමාත්‍යාංශ ලේකම් ජනක ශ්‍රී චන්ද්‍රගුප්ත වෙත දැනුම් දී ඇත.

Related posts

අක්කර 1000ක් සමග අලිමංකඩ ලුණු ලේවාය පුද්ගලික අංශයට…. 20%ක් බදියුදීන්ට….

colombotoday

අගවිනිසුරු ශ්‍රී පවන් විශ්‍රාම ගනී

colombotoday

සිංහල දරු සංහාරයට චූදිත සාෆි දොස්තරට එරෙහිව නීතිය ක්‍රියාත්මක කරන්න ඉල්ලයි !

colombotoday

චීන්නු 6000ක් ලංකාවේ රැකියාවල

colombotoday

ලාංකික නාවිකයන් 9ක් ත්‍රස්තවාදීන්ගේ ප්‍රාණ ඇපයේ

colombotoday

පැතිර යමින් පවතින නව කොවිඩ් ප්‍රභේදය ගැබිණි මව්වරුන්ට දැඩි බලපෑම් එල්ල කළ කරයි.

colombotoday