නව ව්‍යවස්ථා සංශෝධනය අනිවාර්යෙන්ම ගෙන එන බව අගමැති රනිල් වික්‍රමසිංහ මහතා දෙමළ සන්ධානයට ලිඛිතව පොරොන්දු වී ඇති බව පාර්ලිමේන්තු මන්ත්‍රී විමල් වීරවංශ මහතා පවසයි.
විශ්වාසභංග යෝජනා විවාදය අමතමින් හෙතෙම මේ බව කියා සිටියේය.
දූෂණ විරෝධීන්ගේ නිරුවත අද දැකගැනීමට හැකිවන බවත්, අගමැතිවරයාට පක්ෂව ඡන්දය ලබා දෙන්නේ මුදල් ලබාගත් අය බවත් මන්ත්‍රීවරයා කියා සිටි අතර, කතාව අතරතුර ආණ්ඩු පක්ෂයෙන් දැඩි ලෙස බාධා එල්ලවිය.
දෙමළ සන්ධාන නියෝජිතයන් ඊයේ රාත්‍රියේ අගමැතිවරයා හමුවී සාකච්ඡා පැවැත්වූ අතර විශ්වාසභංගයේදී අගමැතිවරයාට පක්ෂව ඡන්දය භාවිතා කිරීමටනම් තමන්ගේ කොන්දේසිවලට එකග විය යුතු බවද ප්‍රකාශ කර ඇත.