Colombo Today Local News

හෝමාගම නිවසක තිබී පුපුරණ ද්‍රව්‍ය හා ගිනි අවි සමග උපරණ රැසක් සොයා ගනී

අද (02)දින අළුයම අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින් හෝමාගම, කැන්දලන්ද ප්‍රදේශයේ නිවසක් පරීක්ෂා කිරීමේ දී පුපුරණ ද්‍රව්‍ය, ගිනි අවි සමඟ තවත් උපරණ රැසක් අත්අඩංගුවට ගෙන ඇත.

ඒ අතර, අත්බෝම්බ 4ක්, පිස්තෝලයක්, ඩෙටනේටර් 2ක්, ගල්කටස් වර්ගයේ ගිනිඅවියක්, රිපිටර් උණ්ඩ 10ක්, අත් විලංගු ජෝඩුවක්, එයාර් රයිෆල් අවියක් එම උණ්ඩ 600ක් සහ ඩී.වී.ඩී.ප්ලේයර් 3ක් සොයා ගෙන තිබේ.

2020.06.29 වන දින පොලිස් විශේෂ කාර්ය බලකා නිලධාරීන් සහ ඊයේ (01)දින හෝමාගම පොලිස් ස්ථානයේ නිලධාරීන් විසින් හෝමාගම, පිටිපන ප්‍රදේශයේ දී අවි ආයුධ හා පුපුරණ ද්‍රව්‍ය සම්බන්ධයෙන් අත්අඩංගුවට ගත් සැකකරුගෙන් හා සැකකාරිය මේ වන විට වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුව වෙත බාර දී ඇත.

එහිදී අනාවරණය වු කරුණු මත එම නිලධාරීන් විසින් ඊයේ රාත්‍රීයේ අතුරුගිරිය ප්‍රදේශයේ දී තවත් සැකකරුවෙකු ටී 56 ගිනි අවියක් සමග අත්අඩංගුවට ගෙන තිබේ.

ඔහු වයස අවුරුදු 38ක් වු හබරකඩ ප්‍රදේශයේ පදිංචිකරුවෙකි.

පසුව ඔහුගෙන් කළ ප්‍රශ්න කිරීම්වල දී අද අළුයම මෙම වැටලීම සිදුකර ඇත.

සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව වැඩිදුර විමර්ශන පවත්වයි.

Related posts

රැම්සා තෙත් බිමේ සිටවූ කඩොලාන පැළ 1000ක් ගලවා විසිකරලා

colombotoday

තෝරාගත් තැපැල් කාර්යාලවල රාත්‍රී කාලයේදී වාහන දඩ ගෙවීමට පහසුකම්

Admin

කළවැද්දන්ගේ අභියෝගවලට මං පිළිතුරු දෙන්නෑ – අධිකරණ ඇමති

colombotoday

සුන්දර හෝටන් තැන්නේ සුන්දර හිම තුහින

Admin

රජයේ ප්‍රතිපත්තියට එකඟ නොවන නිලධාරීන්ට ඉන් ඉවත්වීමට බාධාවක් නැහැ – ජනපති

colombotoday

ජැකලීන් ෆර්නැන්ඩස්ට මුදල් විශුද්ධිකරණ චෝදනා

colombotoday