අපරාධ නිවාරණය සම්බන්ධයෙන් පොලීසිය විසින් දිවයින පුරා ගත වූ සති 2 තුළ සිදුකරන ලද වැටලීම්වල දී සැකකරුවන් හා වරෙන්තුකරුවන් 25000කට වැඩි පිරිසක් අත්අඩංගුවට ගෙන තිබේ.
පොලිස් මාධ්‍ය කොට්ඨාශය පැවසුවේ පසුගිය 06 වැනිදා සිට ඊයේ (20) මධ්‍යම රාත්‍රිය දක්වා දිවයිනේ පොලිස් ස්ථාන මගින් මෙම වැටලීම් සිදුකළ බවය.
එහිදී හෙරොයින්, ගංජා, අයිස් ඇතුළු මත්ද්‍රව්‍ය ළඟ තබාගැනීමේ චෝදනා මත සැකකරුවන් 6,820 දෙනෙකු අත්අඩංගුවට ගෙන තිබේ.
නීති විරෝධී ගිනි අවි හා ආයුධ ළඟ තබා ගැනීමේ චෝදනා මත සැකකරුවන් පනස් දෙදෙනෙකු, පුපුරණ ද්‍රව්‍ය ළඟ තබාගත් සැකකරුවන් 06 දෙනෙකු අදාළ කාලය තුළ අත්අඩංගුවට ගත් බව පොලීසිය පවසයි.
නීති විරෝධී මත්පැන් සමග සැකකරුවන් 5,574 කු එහිදි අත්අඩංගුවට ගෙන තිබේ.
එමෙන්ම අදාළ කාලය තුළ වරෙන්තුකරුවන් 5110 දෙනෙකු සහ වෙනත් වැරදිවලට අදාළව සැකකරුවන් 8750 දෙනෙකු අත්අඩංගුවට ගත් බව පොලිස් මාධ්‍ය කොට්ඨාශය සඳහන් කරයි.