Colombo Today Local News

සජිත් පරාජය කළේ අපේම පිරිසක්… තවත් අගමැතිකම් කරන්න රනිල්ට සදාචාරාත්මක අයිතියක් නෑ – එජාප මන්ත්‍රී නලින් බණ්ඩාර

එක්සත් ජාතික පක්ෂයේ තනතුරු හොබවන ඓතිහාසික පාවාදෙන්නන් පිරිසක් විසින් ජනාධිපතිවරණයේදී සජිත් ප්‍රේමදාස මහතා පරාජයට පත් කළ බව සංවර්ධන උපායමාර්ග හා ජාත්‍යන්තර වෙළඳ නියෝජ්‍ය අමාත්‍ය නලීන් බණ්ඩාර මහතා අද (19දා) පැවසීය.

පාර්ලිමේන්තුවේ නිල කාලය අවසන්වීමට පෙර මහමැතිවරණයක් පැවැත්විය යුතුයැයි අදහස් ප්‍රකාශ කරනුයේ එම පාවාදෙන්නන් බවද නියෝජ්‍ය ඇමතිවරයා සඳහන් කළේය.

සජිත් ප්‍රේමදාස මහතා පරාජයවනු දැක පක්ෂයේ තනතුරුවල රැඳීසිටීමට උත්සහ කරන මෙම පිරිස හදිසි මහමැතිවරණයකදී ගෝඨාභය රාජපක්ෂ මහතා ඇතුළු කණ්ඩායමට ජයග්‍රහණය බන්දේසියක දමා ප්‍රදානය කිරීමට කටයුතු කරගෙන යන බවද ඒ මහතා ප්‍රකාශ කළේය.

ජනාධිපතිවරණයේදී ප්‍රමාණවත් අරමුදල් නොලැබුණු බවත්,වෙන්කළ අරමුදල්වලට සිදුවූයේ කුමක්දැයි සෙවිය යුතු බවත් හෙතෙම කීය.

 අග්‍රාමාත්‍ය රනිල් වික්‍රමසිංහ මහතා ඇතුලු ඇමති මණ්ඩලයට තවදුරටත් එම ධූර දැරීමට සදාචාරාත්මක අයිතියක් නොමැති බවත්,ආණ්ඩුවේ සිට විපක්ෂයේ අසුන් ගැනීම සඳහා ගෝඨාභය රාජපක්ෂ මහතා සමඟ සාකච්ඡා කිරීමට අවශ්‍ය නොවන බවත් නියෝජ්‍ය ඇමතිවරයා පැවසීය.

එක්සත් ජාතික පක්ෂයේ නායකත්වය හා නිලධාරි මණ්ඩලය වෙනස් කර නව නිලධාරි මණ්ඩලයක් හා සජිත් ප්‍රේමදාස මහතා නායකත්වයට පත්නොකළහොත් තමන් එජාප බිංගිරිය ආසන සංවිධායකධූරයෙන් ඉවත්ව වෙනත් දේශපාලන වැඩපිළිවෙලක් ඉදිරියට ගෙනයන බවද ඒ මහතා සඳහන් කළේය.

කොළඹ ලෝක වෙළඳ මධ්‍යස්ථානයේ පිහිටි සංවර්ධන උපායමාර්ග හා ජාත්‍යන්තර වෙළඳ අමාත්‍යංශයේ පැවති මාධ්‍ය හමුවකදී හෙතෙම මේ බව කීය.

Related posts

ඉතියෝපියාව වගේ ජනතාව සීයට 80ක් ලෙඩ වෙන්න යනවා. යහපාලනය බොරු බයිලා ගහනවා. ක්‍රිෂාන් රමසුන්දරම්

colombotoday

කඩු 6,000ක් ආනයනය කිරීමේ සිදුවීම සම්බන්ධයෙන් විමර්ශනයක් ඉල්ලා කාදිනල් තුමන් ගොනුකළ පෙත්සම කැඳවන්න නියෝග

colombotoday

ජනපති ආවේස වෙලා වගේ කටට එන බොරු කියනවා

colombotoday

අනුරගේ විරෝධතා පාගමනට තහනම් නියෝගයක්

Admin

දැවිතෙල් ටොන් 2000 ක් විදුලි නිෂ්පාදනයට

colombotoday

අඩු ආදායම්ලාභී පවුල්වලට සහන දෙන්න රජයෙන් බිලියන 200ක්

colombotoday