හිටපු ජ්‍යෙෂ්ඨ ක්‍රිකට් ක්‍රීඩකයකු හා ජාත්‍යන්තර තරග තීරකවරයකු ලෙස කටයුතු කරන රොෂාන් මහානාම මහතා සිය ධන පරිත්‍යාගයෙන් වවුනියාව බෝගස්වැව වෙහරතැන්න ගම්මානයේ අලුතින් ඉදිකළ පාසල් ගොඩනැගිල්ල සෙනසුරාදා (14) විවෘත කැරිණි.
රුපියල් ලක්ෂ 27 ක පමණ මුදලක් වැය කරමින් සෑදු පාසල් ගොඩනැගිල්ලේ සියලු ඉදිකිරීම් යුද හමුදා ශ්‍රම දායකත්වයෙන් සිදු වූ අතර එය විවෘත කිරීමේ අවස්ථාවට වන්නි ආරක්ෂක සේනා ආඥාපති මේජර් ජනරාල් රුවන් කුලතුංග මහතාද සහභාගී විය.
මෙම විදුහල් ගොඩනැගිල්ල නම්කර ඇත්තේද රොෂාන් මහානාම ප්‍රාථමික විද්‍යාලය නමිනි.