Colombo Today Local News

රාජාංගනයේ සංචරණ සීමාවන් සම්පූර්ණයෙන් ඉවතට

කොවිඩ්-19 ආසාදිතයින් හඳුනාගැනීම හේතුවෙන් රාජාංගනය ප්‍රදේශයට පනවා තිබූ සංචරණ සීමාවන් අද (31)දින සිට සම්පූර්ණයෙන්ම ඉවත් කර තිබේ.

රාජාංගනය සෞඛ්‍ය වෛද්‍ය නිලධාරී කොට්ඨාසයට පනවා තිබූ සංචරණ සීමාවන් පසුගිය 27 වැනිදා සිට අදියර දෙකක් යටතේ ඉවත් කිරීමටයි පියවර ගෙන තිබුණි.

මේ අතර පොළොන්නරුව, ලංකාපුර ප්‍රාදේශීය ලේකම් කාර්යාලයෙන් හඳුනාගත් කොවිඩ්-19 ආසාදිතයාගේ ආශ්‍රිතයින් පිරිසක් අද (31) දිනයේ ද පී.සී.ආර්. පරීක්ෂණ සඳහා යොමු කිරීමට නියමිතව ඇත.

ඊයේ එම ආසාදිතයාගේ ආශ්‍රිතයින් 158 දෙනෙකු පී.සී.ආර්. පරීක්ෂණ සඳහා යොමු කළ බව ලංකාපුර සෞඛ්‍ය වෛද්‍ය නිලධාරී කාර්යාලය පැවසීය.

පී.සී.ආර් පරීක්ෂණ සඳහා ලක් කළ පිරිස අතර ප්‍රාදේශීය ලේකම් කාර්යාලයේ සාමාජිකයින්, ප්‍රදේශවාසීන්, ආසාදිතයාගේ ඥාතීන් මෙන්ම පොලිස් නිලධාරීන් කිහිපදෙනෙකු ද වූ බව වාර්තා වේ.

අද දිනයේ ද එම ආසාදිතයාගේ ආශ්‍රිතයින් හඳුනාගනිමින් පී.සී.ආර්. පරීක්ෂණ සඳහා යොමු කිරීමට නියමිත බව ලංකාපුර සෞඛ්‍ය වෛද්‍ය නිලධාරී කාර්යාලය සඳහන් කළේය.

පවතින තත්ත්වය සැලකිල්ලට ගනිමින් ලංකාපුර ප්‍රාදේශීය ලේකම් කාර්යාලයේ කටයුතු තවදුරටත් සීමා කිරීමට පියවර ගෙන ඇති බව ප්‍රාදේශීය ලේකම් ඉන්දික කරුණාරත්න මහතා පවසයි.

Related posts

එන්.එස්.බී. බැංකුවෙන් ලබාගෙන ඇති ණය වල පොලිය වැඩි කරයි

Admin

නාවික නිලධාරීන් දෙදෙනෙක් රිමාන්ඩ්…

colombotoday

පාස්කු කොමිසම් වාර්තාව : අමාත්‍ය අනු කමිටු අවසන් වාර්තාව ජනපති අතට

colombotoday

සජිත්ගේ “ශ්‍රී-මුඛයට“ සමාජ ජාලාවලින් දැඩි විරෝධය

colombotoday

එක්ස්ප්‍රස් පර්ල් නෞකාවේ කපිතාන් ඇතුළු තිදෙනෙකුට රටින් පිට වීම වළක්වමින් අධිකරණ නියෝගයක්

colombotoday

රුපියල බාල්දු වෙයි… ඓතිහාසික වාර්තාවක් තබමින් ඩොලරය නගී

colombotoday