විරෝධී කටයුතු සඳහා සමාජ ජාලා වෙබ් අඩවි සහ මුහුණු පොත් 80 ක් පමණ එකම ස්ථානයක සිට ක්‍රියාත්මක වන බවයි.
දිගන ප්‍රදේශයේ පහරදීම් සිදුකළේ එක්තරා දේශපාලන පක්ෂයක දිස්ත්‍රික් සංවිධායකවරයා බවත්, එම පක්ෂයේ අලුතෙන් පත්වූ මන්ත්‍රීවරු දෙදෙනෙක් සහ මන්ත්‍රී හාමුදුරුනමක් එයට සම්බන්ධ බවට සොයාගත් බවත් හෙතෙම කියා සිටී.
කෙසේ වෙතත් මීට පෙර අමාත්‍යවරයා කියා සිටියේ දිගන ගැටුම මෙහෙයවූයේ මහනුවර දිස්ත්‍රික්කය නියෝජනය කරන පාර්ලිමේන්තු මන්ත්‍රීවරුන් දෙදෙනෙකු බවයි.
කෙසේ වෙතත් ගැටුම්වල මහමොළකරු යැයි හදුන්වමින් මේ වන විට අත්අඩංගුවට ගෙන ඇති මහසොහොන් බලකායේ ප්‍රධානියා මෙහෙයවූයේ කොළඹ දිස්ත්‍රික්කය නියෝජනය කරන කැබිනට් ඇමතිවරයෙකු විසින් බව ඒකාබද්ධ විපක්ෂය මන්ත්‍රී වාසුදේව නානායක්කාර මහතා චෝදනා කර සිටී.