බස්නාහිර පළාත තුළ සිදුකළ විශේෂ වැටලිම්වලදී හොරොයින් ඇතුළු මත්ද්‍රව්‍ය ළඟ තබාගෙන සිටි පුද්ගලයින් 429 දෙනෙකු අත්අඩංගුවට ගෙන තිබේ.
බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් පරිදි ඊයේ (08)දින පෙරවරු 6.00 සිට අද පෙරවරු 5.00 දක්වා කාලය තුළ මෙම වැටලීම් සිදුකර ඇති බව සඳහන්ය.
ඒ අනුව හෙරොයින් ළඟ තබාගෙන සිටි පුද්ගලයින් 200 දෙනෙකු, ගංජා ළඟ තබාගෙන සිටි පුද්ගලයින් 89ක් සහ අයිස් මත්ද්‍රව්‍ය ළඟ තබාගෙන සිටි පුද්ගලයින් 12 දෙනෙකු අත්අඩංගුවට ගෙන තිබේ.
ඊට අමතරව නීති විරෝධී මත්පැන් ළග තබාගෙන සිටි පුද්ගලයින් 99 දෙනෙකු ගෝඩා ළඟ තබාගෙන සිටි පුද්ගලයින් 14 දෙනෙකු, මාවා ළග තබාගෙන සිටි පුද්ගලයෙකු සහ තවත් මත්ද්‍රව්‍ය ළඟ තබාගෙන සිටි පුද්ගලයින් 14 දෙනෙකු අත්අඩංගුවට ගෙන ඇති බව වාර්තා වෙයි.