Colombo Today Local News

බස්නාහිරින් පිටව ගිය 454 දෙනෙකු සොයාගනී

ඇඳිරිනීතිය පැනවීමට පෙර බස්නාහිර පළාතෙන් දිවයිනේ වෙනත් ප්‍රදේශවලට පිටව ගිය පුද්ගලයින් 454 දෙනෙකු හඳුනාගෙන තිබේ.

පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසුවේ බණ්ඩාරවෙල, මඩකලපුව, අම්පාර, යාපනය, තංගල්ල සහ නුවරඑළිය යන ප්‍රදේශවල සංචාරක නිකේතනවල රැඳී සිටි පිරිසක් මෙලෙස හඳුනාගෙන ඇති බවය.

ඇඳිරිනීතිය පැනවීමට පෙර පසුගිය 29 සහ 30 යන දිනවලදී බස්නාහිර ප්‍රදේශයෙන් වෙනත් ප්‍රදේශවලට ගිය පුද්ගලයින් සොයා තවදුරටත් මෙහෙයුම් ක්‍රියාත්මක බව නියෝජ්‍ය පොලිස්පති අජිත් රෝහණ මහතා සඳහන් කළේය.

වැඩිදුරටත් අදහස් දැක්වු ඒ මහතා,

“ලංකාවේ විවිධ ප්‍රදේශවලට බස්නාහිර පළාතෙන් නිරෝධායන නීතියට පටහැනිව ගොස් සිටි පවුල්වල සාමාජිකයින් සොයාගෙන තිබෙනවා. ඒ අනුව බණ්ඩාරවෙල, මඩකලපුව, අම්පාර, තංගල්ල, නුවරඑළිය, මාතර සහ යාපනය යන ප්‍රදේශවලින් මේ ආකාරයට නිරෝධායන නීතියට පටහැනිව කටයුතු කරමින් සංචාරක නිකේතනවල ලැඟුම්ගෙන සිටි 454 දෙනෙක් නිරෝධායන ක්‍රියාවලියට යොමුකර තිබෙනවා. ඔවුන් එම සිටින ස්ථානවලම ප්‍රාදේශීය සෞඛ්‍ය බලධාරීන් නියෝග මත නිරෝධායන ක්‍රියාවලියට යොමුකර තිබෙනවා. කෙසේවෙතත් මේ මෙහෙයුම අදත් අපි ක්‍රියාත්මක කරනවා. එම මෙහෙයුමේ දී මේ අය පිළිබඳ තවදුරටත් සොයා ගැනීමට නොහැකි වුණත් නැවත සඳුදා දිනයේ දී ඔවුන් බස්නාහිර පළාතට ඇතුළුවන අවස්ථාවේ දී දැඩි පරීක්ෂාවකට ලක්කරනවා. ඉන්පසුව නිරෝධායනයට යොමු කරනවා. පසුව ලැබෙන සාක්ෂි මත අධිකරණයේ නඩු පැවරීමට කටයුතු කරනවා.”

Related posts

ගාල්ල වැලිගම වසම් කිහිපයක සංචරණ සීමා ලිහිල් කෙරේ

colombotoday

අරලිය ගහ මැදුර ඉදිරිපිට විරෝධතාකරුවන් ඉවත් කිරීමට අවසර නෑ

colombotoday

මේ අන්තිම පාර ආපහු නම් හාල් ඇටයක්වත් පිටරටින් ගේන්නේ නෑ

Admin

ඔක්තෝබර් මසයේ රේගු ආදායම වාර්තාගත ලෙස ඉහළට

Admin

පාසල් දැරියකට බරපතළ ලිංගික අපයෝජනයක් සිදු කිරීම – මන්ත්‍රී රත්තරන්ට ඇප

colombotoday

යුද හමුදා හිටපු බුද්ධි අංශ ප්‍රධානී මේජර් ජෙනරාල් අමල් කරුණාසේකර අත්අඩංගුවට..

colombotoday