පාස්කු ඉරිදා ප්‍රහාරය සම්බන්ධයෙන් කරුණු සොයන පාර්ලිමේන්තු විශේෂ කාරක සභාවේ සාමාජිකයින් අද කථානායක කරු ජයසූරිය මහතා හමුවීමට නියමිතව තිබෙනවා.
එම කාරක සභාවේ කටයුතු සම්බන්ධයෙන් මතුවී ඇති ගැටළු කිහිපයක් සම්බන්ධයෙන් සාකච්ඡා කිරීමට මෙලෙස කථානායකවරයා හමුවන බවයි එහි සාමාජික පාර්ලිමේන්තු මන්ත්‍රී නලින් ද ජයතිස්ස මහතා කියා සිටියේ.
මේ අතර පාර්ලිමේන්තුව ද අද පස්වරු 01ට රැස්වීමට නියමිතයි.
අද රැස්වන පාර්ලිමේන්තුවේදී ආණ්ඩුවේ ඇමතිවරයෙකු විසින් සිදුකරමින් සිටින මහා පරිමාණ කොල්ලයක් පිළිබඳ විශේෂ ප්‍රකාශයක් සිදුකරන බවයි එක්සත් ජාතික පක්ෂ පාර්ලිමේන්තු මන්ත්‍රී චමින්ද විජේසිරි මහතා පසුගියදා පැවති මාධ්‍ය හමුවකදි කියා සිටියේ.