Colombo Today Local News

ප්‍රගීත් එක්නැලිගොඩ පැහැරගැනීමේ සිද්ධියට ජනාධිපතිවරයා සිරගත කිරීමේ සැලසුමක්! – ජනාධිපති කොමිසම හමුවේ හෙළිවේ

මාධ්‍යවේදී ප්‍රගීත් එක්නැලිගොඩ පැහැරගැනීමේ සිද්ධියට අදාළව එවකට ආරක්ෂක ලේකම් ගෝඨාභය රාජපක්ෂ මහතා ඊට සම්බන්ධ කිරීමට අපරාධ පරීක්ෂණ දෙපාර්තමේන්තුව යම් සැලසුම් සහගත ක්‍රමවේදයකට කටයුතු කළ බවත්, එම විමර්ශනයන්ට තමා ඈඳා ගනු ලැබුවේ ගෝඨාභය රාජපක්ෂ මහතා සිරගත කිරීමේ අරමුණින් බවත් කර්නල් ප්‍රබෝධ සිරිවර්ධන මහතා දේශපාලන පළිගැනීම් පිළිබඳ විමර්ශනය කරන ජනාධිපති පරීක්ෂණ කොමිසම හමුවේ ඊයේ (24)දින සාක්ෂි දෙමින් පැවසුවා.

එම සිද්ධියට අදාළ නඩුවේ බී වාර්තා අනුව ප්‍රගීත් එක්නැලිගොඩ මහතා අතුරුදන් වී ඇත්තේ 2010.01.24 දින බවත්, එම සිද්ධිය සම්බන්ධයෙන් තමා අපරාධ පරීක්ෂණ දෙපාර්තමේන්තුවට කැඳෙව්වේ වසර පහක් ගත වූ පසු 2015.08.24 වැනි දින බවත් සඳහන් කළ සාක්ෂිකාර සිරිවර්ධන මහතා ඒ වනතෙක් ගත වූ වසර පහක කාලය තුළදී තමාට කිසිදු කැඳවීමක් කර නොතිබූ බවද කොමිසම හමුවේ පැවසුවා.

එක්නැලිගොඩගේ පැහැරගැනීමේ සිද්ධියට අදාළව තමාට විරුද්ධව සාක්ෂියක් නොතිබූ අතර එවකට ආරක්ෂක ලේකම් ගෝඨාභය රාජපක්ෂ මහතා එම සිද්ධියට හසුකර ගැනීමේ අරමුණින් තමා දේශපාලනික බලපෑමක් මත විමර්ශනවලට යොදා ගත් බවද සාක්ෂිකරු කියා සිටියා.

මාධ්‍යවේදී ප්‍රගීත් එක්නැලිගොඩ පැහැරගැනීමේ සිද්ධිය පිළිබඳව පසුගිය රජය සමයේදී අපරාධ පරීක්ෂණ දෙපාර්තමේන්තුව මඟින් තමාව අත්අඩංගුවට ගෙන අසාධාරණ අන්දමින් පරීක්ෂණ පැවැත්වීමට එරෙහිව කර්නල් ප්‍රබෝධ සිරිවර්ධන මහතා මෙම කොමිසමට ඉදිරිපත් කර තිබූ පැමිණිල්ලේ සාක්ෂි විමසීම ඊයේ සිදු කෙරුණා.

Related posts

අධිකරණ නියෝගය නොතකමින්, රජයේ හෙද නිලධාරීන්ගේ සංගමය දිගටම වර්ජනයේ

colombotoday

පාකිස්තාන මහ කොමසාරිස් හා විදේශ ඇමති දිනේෂ් ගුණවර්ධන අතර හමුවක්

colombotoday

මඩේ එරුනු මෝටර් රථය දොරගුලු වැටී ගිනි ගනී

Admin

මාතර බන්ධනාගාරයට එන රැඳවියන් අගුණකොළපැලැස්සට

Admin

අද නිරිත දිගට තද වැසි

Admin

‘ජනපතිට අභියෝග කල ත‍්‍රිරෝද සභාපති මරා දමයි’ සුළු දේශපාලන පක්ෂයකගේ පුර්ණ අනුග‍්‍රහය

colombotoday