එකම ස්ථානයක රසදිය ටොන් ගණනක් ඔරේන්ජ් සමාගමට අනුබද්ද සමාගමක් වන Asia Recycling සමාගම ගබඩා කර තබාගෙන සිටින බවත් ලෙබනනයේ මෙන් පිපුරුනොත් මහා විනාශයක් අත්විය හැකි බවත් පැමිණිල්ලක් ඉදිරිපත් කරමින් පාරිභෝගික අයිතීන් සුරකීමේ ජාතික ව්‍යාපාරයේ සභාපති රංජිත් විතානගේ මහතා පවසනවා.
මධ්‍යම පරිසර අධිකාරිය වෙත පැමිණිල්ලක් එම සංවිධානය විසින් පසුගියදා සිදුකර ඇති අතර පුවත්පතකට මධ්‍යම පරිසර අධිකාරිය පවසා ඇත්තේ ටොන් 7ක් එම ස්ථානයේ ගබඩා කර ඇති බවයි. කෙසේ වෙතත් මධ්‍යම පරිසර අධිකාරිය පවසන්නේ සත්‍යයක්නම් ඉතිරි ප්‍රමාණය මුහුදට බැහැර කරන්නේදැයි තම සංවිධානයට සැකයක් පවතින බවයි. මේ පිළිබඳව කඩිනම් ක්‍රියාමාර්ගයක් නොගන්නේනම් මහජන ආරක්ෂාව තහවුරු නොකිරීම සම්බන්ධයෙන් අධිකරණ ක්‍රියාමාර්ග ගන්නා බවයි Colombo Today වෙත සඳහන් කර සිටියේ.
2020-08-11
අධ්‍යක්ෂ ජනරාල්,
මධ්‍යම පරිසර අධිකාරිය,
ඩෙන්සිල් කොබ්බෑකඩුව මාවත,
බත්තරමුල්ල.
අධ්‍යක්ෂ ජනරාල්තුමනි,
අන්තරාකාරී ලෙස රසදිය (mercury) දීර්ඝ කාලයක් එකම ස්ථානයක රදවා තබා ගැනීමක් සම්බන්ධව.
ඔබ අධිකාරියේ විද්‍යුත් අපද්‍රව්‍ය බලපත්‍ර අංක 038/HWM/2020/R8 යටතේ විද්‍යුත් ද්‍රව්‍ය රැස් කිරීම සදහා අවසර ලබා ගෙන ඇති අංක: 441/5, රීදීමුදල, පිටිපන, හෝමාගම දකුණ යන ස්ථනයේ පිහිටි Asia Recycling (Pvt) Ltd සමාගම විසින් දීර්ඝ කාලයක් තිස්සේ රැස් කරගන්නා ලද රසදිය (mercury) විශාල ප්‍රමාණයක් එම ස්ථානයේ ගබඩා කර ගෙන ඇති බවට අප සංවිධානයට දැන ගැනීමට ලැබී ඇත. මෙම රසිදිය උෂ්නත්වය පාලනය කිරීම සදහා වායු සමීකරණය කරන ලද කන්ටේනර් තුළ ගබඩා කර තිබුනද අනාරක්ෂිත බව අප සංවිධානය විසින් කරන ලද සොයා බැලීමකදී තහවුරු විය.
ශරීරගත වූ විට මරණය පත්වන මෙම මරාන්තික මූල ද්‍රව්‍ය කිසිම ආකාරයකින් විනාශ කල නොහැකි නිසා අදාල සමාගමට අනුබද්ධ ආයතනයක තඔ නිපදවීමේ කර්මාන්ත ශාලාවක් හරහා මුහුදට එකතු කිරීමට කටයුතු කරන බවට අප සංවිධානයට තුල සැකයක් පවතී.
මෙවැනිම අකාරයට රැස් කර තබාගත් මූල ද්‍රව්‍ය පිපිරීමකින් ලෙබනනයේ බේරෑට් නගරයේ විශාල පිපිරීමක් ඇති වී ජීවිත විශාල සංඛ්‍යාවක් අහිමිවිය. එම හේතුව නිසා එරට රජයට පවා ඉල්ලා අස්වීමට සිදු විය.
මෙසේ දීර්ඝ කාළයක් රදවා තබාගෙන සිටින රසදිය තොග පිළිබදව නිසි පරික්ෂණයක් සිදු කරන ලෙස ඔබතුමාගෙන් කරුණාවෙන් ඉල්ලා සිටිමි.
ස්තුතියි
මෙයට විශ්වාසී,
රංජිත් විතානගේ- සභාපති – පාරිභෝගික අයිතීන් සුරකීමේ ජාතික ව්‍යාපාරය
පිටපත :
01.ගරු ජනාධිපතිතුමා