කටාර් රාජ්‍යයේ ශ්‍රී ලංකා තානාපතිවරයා වන A.S.P. ලියනගේ මහතා සිය තනතුරෙන් ඉල්ලා අස්වන බව පවසයි.
ඒ අනුව සිය ඉල්ලා අස්වීමේ ලිපිය ජනාධිපති මෛත්‍රීපාල සිරිසේන මහතා වෙත යොමු කළ බවයි ඒ මහතා ප්‍රකාශ කළේ.
තමන්ට ආණ්ඩුකාර තනතුරක් ලබානොදීම හේතුවෙන් මෙසේ තානාපති තනතුරෙන් ද ඉල්ලා අස්වන බව පැවසූ ඒ මහතා එහෙත් ජනාධිපතිවරයා සමඟ තමන්ට කිසිදු ගැටළුවක් නොමැති බව ද සඳහන් කළේය.
රාජපක්ෂ පවුලේ සමීපතමයකු වන මෙම තානාපතිවරයා විසින් මහින්ද රාජපක්ෂ මහතාගේ පුතුන් වන රෝහිත රාජපක්ෂ සහ යෝෂිත රාජපක්ෂගේ ගමන් මලු ඇදගෙන යන ආකාරය දැක්වෙන ඡායාරූප පෙළක් පසුගිය දිනවල සමාජ මාධ්‍ය ජාල තුළ මහත් ආන්දෝලනයක් ඇති කර තිබිණි.