2016 අයවැය යෝජනා අනුව විදුලි සංදේශ සහ විදුලි සැපයීමේ සේවාවන් සදහා 4%ක් වන ජාතිය ගොඩනැගීමේ බද්ද පනවා තිබේ. ඒ අනුව 2016 ජනවාරි 1 වනදා සිට බලපැවැත්වෙන පරිදි විදුලි සහ දුරකථන ගාස්තු ඉහළ යාමට නියමිතව තිබේ.
අදාල බදු ප්‍රතිශත අනුව මිළ ගණන් ඉහළ යන ආකාරය පිළිබදව ප්‍රසිද්ධ විගණන ආයතනයක් වන PriceWaterhouseCoopers මගින් පළ කළ වාර්තාවන් මෙලෙසය.
විදුලි සංදේශ උපකරණ සදහා මීට පෙර VAT බද්ද ඉවත් කර තිබුණද, මෙවර අයවැයෙන් එම බද්ද යළි පනවා ඇත. එමගින් ජංගම දුරකථන සහ විදුලි සංදේශ ක්ෂේත්‍රයේ සියළුම උපකරණ වල මිල ඉහළ යන බව සදහන් කරයි.
විදේශ වල සිට ශ්‍රී ලංකාවට ලැබෙන දුරකථන ඇමතුම්වලදී ශ්‍රී ලාංකික ග්‍රාහකයා දැරිය යුතු මුදලට ඩොලර් 0.9ක බද්දක් අය කෙරේ.
සෑම දුරකථන කුළුනකින්ම රුපියල් 50000ක බද්දක් අය කෙරේ.
කිසියම් වක්‍ර බද්දක් පැවවූ පසුව එම බදු ප්‍රතිශතයට වඩා වැඩි ප්‍රතිශතයකින් අදාල භාණ්ඩයේ මිල ඉහළ දැමීම ව්‍යාපාරිකයින් විසින් සිදු කරනු දක්නට ලැබේ. එනිසා අදාල විදුලි සහ දුරකථන ගාස්තු වැඩි අයගයකින් ඉහළ යනු ඇතිබව වාර්තා වෙයි.
-LankaGrid