යුද අපරාධ චෝදනා එල්ල වී ඇති ශ්‍රී ලංකා හමුදාවේ ජ්‍යෙෂ්ඨ නිලධාරීන් 56 දෙනකුගේ සියලු වත්කම් තහනම් කර ඔවුන් විදේශ රටවලට පැමිණීමේදී අත්අඩංගුවට ගැනීමට ක්‍රියාකරන ලෙස බ්‍රිතාන්‍ය ද්‍රවිඩ සංසදය ප්‍රමුඛ කොටි ඩයස්‌පෝරාව යුරෝපා සංගමයේ බලධාරීන් හමු වී ඉල්ලා ඇත.
එසේම ශ්‍රී ලංකාවට ලබාදෙන ජී. එස්‌. පී. ප්ලස්‌ සහනය වහාම අත්හිටුවන ලෙස ද ඔවුන් ඉල්ලා තිබේ.
කොටි ඩයස්‌පෝරාවේ ක්‍රියාකාරීන් තිදෙනකු හා යුරෝපා සංගමයේ බලධාරීන් අතර පැවති සාකච්ඡාවේදී ඔවුන් තවදුරටත් සඳහන් කර ඇත්තේ යුද අපරාධ චෝදනාවලට ලක්‌ වූ හමුදා නිලධාරීන්ට දඬුවම් කිරීම සඳහා යුරෝපා සංගමය විශේෂ අධිකරණයක්‌ ස්‌ථාපිත කරන ලෙසයි.මේ හැර ශ්‍රී ලංකා රජය හිටපු කොටි ක්‍රියාකාරීන් අත්අඩංගුවට ගැනීම නතර කරන ලෙස ශ්‍රී ලංකාවට බලපෑම් කරන ලෙස ද ඉල්ලා ඇත.
-Divaina-