වීරකැටිය, හින්බුන්න ප්‍රදේශයේ සිදුකළ වැටලීමකින් ටී-56 ගිනි අවියක්, පතරොම් 30ක් සහිත මැගසිනයක් සහ හෙරොයින් ග්‍රෑම් 1යි මිලිග්‍රෑම් 610ක් සමග සැකකරුවෙකු අත්අඩංගුවට ගෙන ඇත.
තංගල්ල කොට්ඨාස අපරාධ විමර්ශන අංශයේ නිලධාරින් විසින් මෙම වැටලීම සිදුකර ඇති අතර අත්අඩංගුවට ගත් සැකකරු වයස අවුරුදු 34ක් වන හීන්බුන්න, හකුරුවෙල ප්‍රදේශයේ පදිංචිකරුවෙකි.
එම සැකකරු සංවිධානාත්මක අපරාධ කණ්ඩායම් සාමාජිකයෙකු බව ද පොලීසිය පවසයි.
ඔහුට විරුද්ධව දිවයිනේ විවිධ ප්‍රදේශවල ගෙවල් බිඳුම් සම්බන්ධයෙන් අධිකරණවල නඩු 25ක් පමණ විභාග වෙමින් පවතින බවත් වරෙන්තු 11ක් ඇති බවත් අනාවරණය වී තිබේ.
සැකකරු අද (27) දින වලස්මුල්ල මහේස්ත්‍රාත් අධිකරණය වෙත ඉදිරිපත් කිරීමට නියමිතව ඇත.