Colombo Today Local News

වැටුප්, වාහන, දීමනා එපා… රට වෙනුවෙන් ස්වේච්ඡාවෙන් වැඩ කරනවා – ඉරාජ් ජනපතිට දන්වයි

ශ්‍රී ලංකා සංචාරක ප‍්‍රවර්ධන කාර්යංශයේ අධ්‍යක්‍ෂ මණ්ඩල සාමාජිකයකු ලෙස පත්කර සිටින ජනප‍්‍රිය ගායක හා සංගීත අධ්‍යක්‍ෂ ඉරාජ් වීරරත්න මහතා එම තනතුරට හිමි මාසික දීමනාව හා තමන්ට වාහන පහසුකම් අනවශ්‍ය බව ජනාධිපති ලේකම්වරයාට ලිඛිතව දැනුම් දී ඇත.

එම තනතුරට අදාළ සියළුම කටයුතු තම පුද්ගලික වියදමින් සිදුකිරීමට බලාපොරොත්තුවන බවද ඔහු එම ලිපියේ සදහන් කර ඇතැයි වාර්තා වේ.

තමන් මෙම තනතුර බාරගන්නා බවත් රජයෙන් ලැබෙන දීමනා නොමැතිව තමන්ට ජීවත්විය හැකි බවත් පවසමින් ඉරාජ් වීරරත්න මහතා පෙරේදා වීඩියෝ පටයක්ද අන්තර්ජාලයට මුදාහැර තිබිණ.  

අධ්‍යක්‍ෂ මණ්ඩල සාමාජිකයකුට එම රැස්වීමකට සහභාගිවීම වෙනුවෙන් රුපියල් විසිපන්දහසක මාසික දීමනාවක් හා රැස්වීමට සහභාගි වීමට පමණක් වාහහන පහසුකම් ලබාදෙනු ලැබේ.

රාජ්‍ය ආයතන සදහා ප‍්‍රධානීන් තෝරාගැනීම සදහා පත්කළ සය පුද්ගල විද්වත් කමිටුව විසින් කරන ලද නිර්දේශය අනුව ජනාධිපති ලේකම්වරයාගේ දැනුම්දීම මත සංචාරක සංවර්ධන අමාත්‍ය ප‍්‍රසන්න රණතුංග මහතා විසින් ඉකුත් (14) වැනිදා මෙම පත්කිරීම කරනු ලැබීය.

හිපොප් ගායකයකු ලෙස ප‍්‍රසිද්ද ඉරාජ් වීරරත්න මහතාගේ ඇතැම් ගීත සම්බන්ධයෙන් පසුගිය කාලයේ සමාජයේ දැඩි කතාබහක් ද ඇති විය.

Related posts

අත දරුවෙකු සමග ගිය මවකගේ ගෙල කපා ඝාතනය කර රන් මාලය සොරා ගනී.

colombotoday

ඔරුමිත්තනාඩුවක් අවශ්‍ය දේශපාලනඥයින්ට දකුණේ සිංහලයින් සමග ජීවත්වීමේ අයිතියක් නෑ

colombotoday

වැලිකඩ පෞද්ගලික ආයතනයකට වෙඩි තැබීමක්

Admin

WTC හිදිමින් කෝටිපති මැති ඇමතිලා ව්‍යාපාරිකයන් රැසකගෙන් මුදල් ගසා කෑ කතගේ සෙල්ලම් මාට්ටු

colombotoday

පාර්ලිමේන්තු යන්න අවසර ඉල්ලා ප්‍රේමලාල් අභියාචනාධිකරණයට

colombotoday

ප්‍රධාන මාර්ගයේ දුම්රිය ප්‍රමාදය යථා තත්ත්වයට

Admin