පිවිතුරු හෙළ උරුමයේ උප නායක මධුමාධව අරවින්ද මහතා මුස්ලිම් ජාතිකයන් පිළිබදව ජනහමුවකදී කළ ප්‍රකාශයක් දැඩි කතා බහට ලක්ව තිබේ.
“අන්තිම සිංහලයා හුස්ම ගන්නා තුරු මේ රටේ ශරියා නීතියට ඉඩ නොදෙන බවත්, අන්තවාදී කලු ලෝගු ගලවා දමන බවත්“ මධුමාධව අරවින්ද මහතා එහිදි ප්‍රකාශ කර ඇත.
කෙසේ වෙතත් මෙම ප්‍රකාශයට ශ්‍රී ලංකා පොදුජන පෙරමුණේ දැඩි විරෝධය එල්ල වී ඇති අතර, එම පක්ෂයේ සමාජ ජාලා ක්‍රියාකාරීන්ගේද දෝෂදර්ශනයට ලක්ව ඇත.
මන්ත්‍රී රෝහිත අබේගුණවර්ධන මහතා මාධ්‍ය අමතමින් කියා සිටියේ ජාතිවාදීන්ට හා ආගම්වාදීන්ට තම පක්ෂය තුළ ඉඩක් නැති බවයි. මධුමාධව අරවින්ද මහතාගේ ප්‍රකාශය දැඩි පිළිකුලෙන් හෙළා දකින බවද ඔහු සදහන් කරයි.
මේ අතර මධුමාධව අරවින්ද මහතා ඊයේ සවස්වරුයේ පිවිතුරු හෙළ උරුමයේ සියළු තනතුරුවලින් ඉල්ලා අස්වී ඇති බවද වාර්තා වේ.