මුතුරාජවෙල කුණු කන්දේ ඇතිවූ ගින්න මේ වන විට සම්පූර්ණයෙන් පාලනය කර තිබෙන බවට වාර්තා වනවා.
ජනාධිපති ගෝඨාභය රාජපක්ෂ මැතිතුමා ගේ උපදෙස් පරිදි බස්නාහිර පළාත් ආණ්ඩුකාරවර සීතා අරඹේපොල මහත්මිය තත්වය පාලනයන කිරීමට අවශ්‍ය කණ්ඩායම් වෙත උපදෙස් ලබා දුන් අතර ත්‍රිවිධ හමුදාව ගිනි නිවීමේ ඒකක සහ පළාත් පාලන ආයතන වල නිලධාරීන් ගේ සහයෝගයෙන් ඇතිවූ හදිසි ගින්න මැඩ පැවැත්වීමට මේ වන විට හැකිවී තිබෙනවා.
තව ද කඩොලාන පරිසරයට හානි වී ඇති බවට සමාජ ජාල වෙබ් අඩවි හරහා පළවන වාර්තා අසත්‍ය වන අතර ඇති වූ හදිස්සි තත්වයෙන් කඩොලාන පරිසරයට කිසිදු හානියක් සිදු වී නොමැති බවයි වාර්තා වන්නේ.
අරුවක්කාලු කසල අංගනයට කොළඹ නගරයේ කුණු ගෙන යෑමට ගත් තීරණයට එල්ලවූ විරෝධය මත 2108 වසරේදී එවකට බස්නාහිර සහ මහ නගර සංවර්ධන අමාත්‍ය චම්පික රණවක මහතාගේ මැදිහත්වීමේන් මුතුරාජවෙල කඩොලාන පරිසරය වෙත කොළඹ කුණු මුදාහැරීමට තීරණය කෙරිණි. මෙම තීරණයට වරින් වර ප්දේශවාසීන්ගේ හා පරිසර සංවිධානවල දැඩි විරෝධය එල්ල විණි.