බුදුරජාණන් වහන්සේගේ රූපය නවීන මාදිලියේ කොන්ඩෙ කපන මැෂින් කීපයක සලකුණු කර ඒවා අලෙවිය සඳහා තබා තිබියදී සැකකාර පුද්ගලයකු සමඟ මැෂින් කිහිපයක් අත්අඩංගුවට ගත් බව මීගමුව පොලිසියේ විශේෂ කාර්යාංශය පවසනවා.
ආගමික ශාස්තෘවරුන්ගේ රුව වෙළෙඳ භාණ්ඩවල ඇතුළත් කොට අලෙවි කිරීම නීතියෙන් තහනම් කර තිබියදී එලෙස බුදුරජාණන් වහන්සේගේ රූපය වෙළෙඳ භාණ්ඩවල සටහන් කිරීම අලෙවියට තැබීම නීතියෙන් තහනම් බව පොලිසිය සඳහන් කරයි.
මීගමුවේ සතිපොළක මෙලෙස මැෂින් තොගයක් ප්‍රදර්ශනය කරමින් අලෙවියට තබා තිබියදී ලැබුණු තොරතුරක් අනුව මීගමුව පොලිසියේ විශේෂ කාර්යාංශයේ පොලිස් පරීක්ෂක අබේසේකර හා නිලධාරින් මෙම අත්අඩංගුවට ගැනීම කර ඇත.