රටේ අද උද්ගතවී තිබෙන තත්ත්වය අනුව යහපාලන ආණ්ඩුව වහාම විසුරුවා හැරීමට කි‍්‍රයාකිරීම නුවණට හුරු බව හිටපු ජනාධිපති මහින්ද රාජපක්‍ෂ මහතා ඊයේ (21 දා) පැවැසීය.
ආණ්ඩුව මේ දක්‌වා මහජනතාව වෙනුවෙන් කළ දෙයක්‌ නැතැයිද අද වැඩිපුර අසන්නට ලැබෙන්නේ හොරකම් වංචා දූෂණ හා කොමිස්‌ ගැසීම් බවද හෙතෙම පැවැසීය.
දිනෙන් දින ජීවන වියදම ඉහළ යනවා මිසක්‌ මහජනතාවට සහනයක්‌ දීමට මෙතෙක්‌ ඉදිරිපත් නොවීම ගැන කනගාටු වන බවද මහින්ද රාජපක්‍ෂ මහතා පැවැසීය.
හිටපු ජනාධිපතිවරයා මෙසේද කීය.
“අද ආණ්ඩුව ගැන රටේ බොහෝ දෙනකු කලකිරීමෙන් ඉන්නේ. හැම ක්‍ෂේත්‍රවලම අය අද අසරණ වෙලා. ආණ්ඩුව බැරි බැරි ගාතේ යනවා. දැන් කළයුතු එකම දෙය වන්නේ ආණ්ඩුව වහා විසුරුවා හැරීමට ක්‍රියා කිරීමයි. රටේ මහජනතාව අද මහ ඡන්දයක්‌ බලාපොරොත්තු වෙනවා.”