මහබැංකු බැඳුම්කර ගනුදෙනුව පිළිබඳ ජනාධිපති කොමිෂන් සභා වාර්තාව සහ බරපතළ දූෂණ, වංචා පිළිබඳ ජනාධිපති කොමිෂන් සභා පිළිබඳ පාර්ලිමේන්තු විවාදය පෙබරවාරි 06 වැනිදා පැවැත්වීමට තීරණයකර තිබේ.
පක්‍ෂනායක රැස්වීමේ බහුතර තීරණය කථානායක කරු ජයසූරිය මහතා විසින් අග්‍රාමත්‍ය රනිල් වික්‍රමසිංහ මහතාට දැනුම්දීමෙන් පසුව අග්‍රාමාත්‍යවරයා විසින් පාර්ලිමේන්තුව පෙබරවාරි 06 වැනිදා කැඳවන ලෙස නිල වශයෙන් කථානායකවරයාගෙන් ඉල්ලීමක් කර ඇත.
ඒ අනුව පෙබරවාරි මස 06 වැනිදා පෙ.ව. 10.30ට පාර්ලිමේන්තුව රැස්වන අතර, එහිදී පාර්ලිමේන්තුව කල්තැබීමේ විවාදයක් ලෙස බරපතළ වංචා හා දූෂණ පිළිබඳ ජනාධිපති කොමිෂන් සභා වාර්තාව සහ බැඳුම්කර ගනුදෙනුව පිළිබඳ ජනාධිපති කොමිෂන් සභා විවාදය පැවැත්වීමට නියමිතය.