Colombo Today Local News

බාල වයස්කාර දැරියක් දූෂණය කර මරා දමා සැඟව සිටි සැකකරු අත්අඩංගුවට

පුත්තලම, ආසිරිගම ප්‍රදේශයේ පදිංචිව සිටි දස හැවිරිදි දැරියක් දුෂණය කර මරා දැමීමේ සිද්ධියට සම්බන්ධ සැකකරු අද (16)දින අළුයම පුත්තලම මූලස්ථාන පොලීසිය විසින් අත්අඩංගුවට ගෙන තිබේ.

මෙසේ අත්අඩංගුවට ගෙන ඇත්තේ පුත්තලම, පාලවිය, පෙරියකුලම ප්‍රදේශයේ පදිංචිව සිටි සිමියොන් ඇලෝසියස් නැමති 41 හැවිරිදි විවාහකයෙකි.

පසුගිය ජුලි 16 දින පුත්තලම, ආසිරිගම ප්‍රදේශයේ පොල් වත්තක පිහිටි නිවසක තම මව සමග පදිංචිව සිටි දස හැවිරිදි දැරියක් මවගේ අනියම් සැමියා යැයි පැවසෙන, මේ වනවිට අත්අඩංගුවේ පසුවන සැකකරු විසින් බරපතළ ලිංගික අපයෝජනයකට ලක්කර තිබුණි.

පසුව සර්පයෙකු දෂ්ඨ කළේ යැයි පවසමින් ඇයගේ මව විසින් එම දැරිය පුත්තලම මුලික රෝහල වෙත ඇතුළත් කර ඇති අතර, ඒ වන විටත් දැරිය මියගොස් සිටි බව පොලීසිය පැවසීය.

සිද්ධියට සම්බන්ධ සැකකරු මාසයකට ආසන්න කාලයක් ප්‍රදේශයෙන් පළා ගොස් සැඟව සිට ඇති අතර ඔහු අත්අඩංගුවට ගැනීමට පොලිස් කණ්ඩායම් කිපයක් යොදවා තිබුණි.

ඒ අනුව අදාළ සැකකරු අද අත්අඩංගුවට ගෙන ඇති අතර, සැකකරු පුත්තලම මහේස්ත්‍රාත් අධිකරණයට ඉදිරිපත් කිරිමට නියමිතව තිබේ.

Related posts

මාස දහයට මුහුණු ආවරණ ටොන් 491ක් ශ්‍රී ලංකාවට ගෙනත්

colombotoday

වතුකරයේ දෙමළ ළමුන්ට කුරාණය උගන්වන නීති විරෝධි මධ්‍යස්ථාන හතරක්….

colombotoday

වෙළදසැල් හිමියන් පාරිභෝගිකයින් ගසාකාලා. | කයිවාරු නවතා නීතිය ක්‍රියාත්මක කරන්න. | පාරිභෝගික අධිකාරියෙන් ඉල්ලයි.

colombotoday

CID පරීක්ෂණ නවතා ගිණුම නිදහස් කරන්නැයි බැදුම්කර සමාගම නඩු දමයි !

colombotoday

වඳවීමේ තර්ජනයට ලක්ව ඇති මෝර විශේෂ දෙකකට අයත් මෝරුන් 300කගේ වරල් රේගුවේ හිරවෙයි

colombotoday

රට රස්සාවට යන අයට සුබ ආරංචියක්, රක්ෂණය දෙගුණ කරන්න යයි

colombotoday