නාවික හමුදාව විසින් විශ්වමඩු, උදයාර්කට්ටු ප්‍රදේශයේ සිදු කල සෝදිසි මෙහෙයුමක දී ටීඑන්ටී වර්ගයේ පුපුරණ ද්‍රව්‍ය තොගයක් සොයා ගෙන තිබේ.
උතුරු නාවික විධානයේ නාවික පුද්ගලයින් පිරිසක් විසින් ඊයේ(06)වන දින විශ්වමඩු, උදයාර්කට්ටු ප්‍රදේශයේ සිදු කල සෝදිසි කිරීමක දී බැරලයක බහා තිබූ ටීඑන්ටී වර්ගයේ පුපුරණ ද්‍රව්‍ය කිලෝ 40ක පමණ ප්‍රමාණයක් ප්‍රදේශයේ වන ලැහැබක් තුළ තිබී සොයා ගෙන ඇත.
මෙලෙස සොයා ගන්නා ලද පුපුරණ ද්‍රව්‍ය මානුෂිය මෙහෙයුම් පැවැති සමයේ එල්ටීටීඊ ත්‍රස්තවාදීන් විසින් මෙම ප්‍රදේශයේ අතහැර දමා ගොස් ඇති බවට සැක පළ කරයි.
අදාල පුපුරණ ද්‍රව්‍ය නාවික හමුදා බෝම්බ නිෂ්ක්‍රීය අංශය මඟින් නිෂ්ක්‍රීය කිරීමට නියමිතව ඇත.