Colombo Today Local News

පාර්ලිමේන්තුව දැඩි අනතුරක.. පාර්ලිමේන්තු නිලධාරීන් අතර තවත් ත‍්‍රස්තවාදීන් 04 දෙනෙක්..

පාර්ලිමේන්තු සංකීර්ණයේ සේවය කරන තවුහිද් ජමාත් ත‍්‍රස්ත කණ්ඩායමට අයත් තවත් සාමාජිකයන් කිහිප දෙනකු අත්අඩංගුවට ගැනීමට පොලිසිය විශේෂ මෙහෙයුමක් ආරම්භ කර ඇත.

පාර්ලිමේන්තු සංකීර්ණයේ භාෂා පරිවර්තකයකු ලෙස සේවය කරමින් සිටි නවුෂාඞ් නමැත්තා සහ කුරුණෑගල මහ රෝහලේ සේවය කරමින් සිටි සහජාන් නමැති තවුහිද් ජමාත් සාමාජිකයන්ගෙන් දීර්ඝ ලෙස ප‍්‍රශ්න කිරීමේදී පාර්ලිමේන්තුවේ සේවය කරන තවුහිද් ජමාත් සංවිධානයේ තවත් සාමාජිකයන් පිරිසක් පිළිබ`දව තොරතුරු හෙළි වී තිබිණි.

මෙම සැකකරුවන් සම්බන්ධයෙන් සිදුකරන විමර්ශන පිළිබඳව කථානායක කරු ජයසූරිය මහතා දැනුවත් කර ඇති අතර, එ් මහතාගේද පූර්ණ සහාය ඇතිව ඉදිරියේදී මොවුන් අත්අඩංගුවට ගැනීමට ක‍්‍රියාකරගෙන යන බව පොලිසිය පවසයි.

කුරුණෑගල නියෝජ්‍ය පොලිස්පති කිත්සිරි ජයලත් මහතාගේ පූර්ණ අධීක්ෂණයෙන් යුත් විශේෂ පොලිස් කණ්ඩායමක් විසින් අත්අඩංගුවට ගත් පාර්ලිමේන්තුවේ භාෂා පරිවර්තකයකු වූ නවුෂාඞ් නමැත්තා වසර 13 ක් තිස්සේ එම තනතුරේ රාජකාරි කළ අයෙකි.

මොහු තවුහිද් ජමාත් ත‍්‍රස්ත කල්ලියේ නායකයා වූ සහරාන් සමග එක්ව එම සංවිධානයේ අභිවෘද්ධිය වෙනුවෙන් විශාල කාර්ය භාරයක් කළ අයකු බව විමර්ශනවලදී අනාවරණය වී ඇත.

තවුහිද් ජමාත් ත‍්‍රස්ත කල්ලියේ සාමාජිකයන් පාර්ලිමේන්තු සංකීර්ණයේ රැකියා කිරීම පාර්ලිමේන්තුවේ ආරක්ෂාවට ද බරපතළ තර්ජනයක් බව පොලිසිය පවසයි.

වයඹ පළාත භාර ජ්‍යෙෂ්්‍ය නියෝජ්‍ය පොලිස්පති ජගත් අබේසිරිගුණවර්ධන, කුරුණෑගල නියෝජ්‍ය පොලිස්පති කිත්සිරි ජයලත්, ජ්‍යෙෂ්ඨ පොලිස් අධිකාරි මහින්ද දිසානායක යන මහත්වරුන්ගේ පූර්ණ අධීක්ෂණය යටතේ පොලිස් පරීක්ෂක පුෂ්පලාල් මහතා ඇතුළු නිලධාරීහු කණ්ඩායමක් වැඩිදුර පරීක්ෂණ පවත්වයි.

හේමන්ත රන්දුණු
– divaina

Related posts

ඇඳිරි නිතිය දීර්ග කෙරේ

colombotoday

මාවුස්සා කැලේ ජලාශයට යාබද ඉඩම් කොටසක් හා ජලාශයේ කුඩා දිවයිනක් අරාබියට දෙන්න යයි

Admin

“කෘෂිකර්මයේ නිලධාරීවාදය ඇමතිවරයාවත් ග්‍රහණයට අරන්” – රාජ්‍ය ඇමති විදුරගෙන් චෝදනාවක් !

colombotoday

මුල්ලේරියාව රෝහලේ දී කොවිඩ් ආසාදිත කතුන් 43ක් දරුවන් බිහි කරලා

colombotoday

අයවැය ප්‍රකාශය : විදේශ ගමන් බලපත්‍ර – වීසා සහ අනෙකුත් ගාස්තු ඉහළට

Admin

කැළණි ගගේ ජල මට්ටම යළි ඉහළට.. ඉවත් වන්න සූදානමින් ඉන්න !

colombotoday