රේගු අධ්‍යක්ෂ ජෙනරාල් ලෙස කටයුතු කල චාල්ස් මහත්මිය ඉවත් කොට, ඔලිම්පික් සභාවේ සාමාජිකයෙකු ලෙස කටයුතු කල විශ්‍රාමික රියර් අද්මිරාල් ෂෙමාල් ප්‍රනාන්දු පත් කිරීම පිළිබඳව මේ වන විට අර්බුදකාරී තත්වයක් උද්ගතව ඇත.
2012 වසරේදී නාවික හමුදාවේ භාණ්ඩ ප්‍රවාහන අංශයේ අධ්‍යක්ෂ ජෙනරාල් ලෙස කටයුතු කරන අතරතුර, යකඩ කූරු මිල දී ගැනිමකදී තම පුදිගල්ක ගිනුමකට මුදල් බැර කිරීමේ සිදුවීමක් සම්බන්දව, අල්ලස් කොමිෂන් සභාව විසින් විශේෂ පරීක්ෂණයක් සිදු කරමින් සිටින අතර තුර රියර් අද්මිරාල් ෂෙමාල් ප්‍රනාන්දු රේගු අධ්‍යක්ෂ ජෙනරාල් ලෙස මංගල සමරවීර මුදල් ඇමතිවරයා විසින් පත්කිරීමට කටයුතු කර ඇත.
රියර් අද්මිරාල් ෂෙමාල් ප්‍රනාන්දු, නාවික හමුදා රණවිරුවන්ට එරෙහිව අපරාධ පරීක්ෂණ දෙපාර්තමේන්තුව වෙත පැමිනිලි සිදුකර දෙමළ ඩයස්පෝරාවේ කුමන්ත්‍රණ ඉටු කිරීමට කටයුතු කල පුද්ගලයෙක් බව නාවික හමුදා විශ්‍රාමික නිලධාරියකු Colombo Today වෙත අදහස් දක්වමින් ප්‍රකාශ කර සිටියා. එම ක්‍රියාවට ප්‍රති උපකාරයක් ලෙස කොටි ඩයස්පෝරා අතකොළුවක් බවට පත්ව සිටින ඇමතිවරු ලවා, මුදල් අවභාවිතා චෝදනා ඉවත් කර රේගු අධ්‍යක්ෂ ජෙනරාල් තනතුරට ඔහු පත් කිරීමට කටයුතු කර ඇති බව නම ප්‍රසිද්ධ කිරීමට අකමැති වූ එම නිලධාරියා වැඩිදුරටත් අප සමග සඳහන් කර සිටියා.
මෙයට විරෝධය දක්වමින් රේගු වැඩ වර්ජනයක් මෙන්ම නාවික හමුදාව තුලද නොසන්සුන් තත්ත්වයක් හට ගෙන ඇත.