ඇඳිරි නීතිය ඉවත් කිරීමත් සමඟ දඹුල්ල නගරයේ සෑම මාර්ගයකම වාහනවලින් පිරී ඉතිරී ගොස් වෙළඳසැල් සියල්ලම මෙන්ම ආර්ථික මධ්‍යස්ථානය ද ව්‍යාපාරිකයන්ගෙන් ගොවීන්ගෙන් ජනතාවගෙන් පිරී ගියේය.
දඹුල්ල ආර්ථික මධ්‍යස්ථානය 25 දින පස්වරුවේ සිට විවෘත කර තැබීමත් සමඟ එළවළු මිලදී ගැනීමට සහ අලෙවි කිරීමට පැමිණි විශාල ජනතාවක් සිටියහ.
එළවළු ගැනුම්කරුවන්ගේ වැඩිවීම හේතුවෙන් එළවළු මිල 300% කින් පමණ ඉහළ ගොස් තිබිණි.
දඹුල්ල ආර්ථික මධ්‍යස්ථානයේ අතරමැදි වෙළඳ කණ්ඩායම් රැසක් ඉතා සූක්ෂම ලෙස ගොවීන්ගේ එළවළු රැගෙන ඒවා වැඩි මිලට අලෙවි කිරීම සිදු කළ බව මිලදී ගැනීම සඳහා පැමිණි දුර බැහැර ව්‍යාපාරිකයෝ චෝදනා කරන්නට වූහ.