ත්‍රි රෝද රථ පළමු කිලෝමීටර් ගාස්තුව රුපියල් 10 කින් අද (11) සිට වැඩි කළ බව ස්වයං රැකියා වෘත්තීයන්ගේ ජාතික ත්‍රිරෝද සම්මේලනයේ සභාපති සුනිල් ජයවර්ධක මහතා පවසනවා.
ඒ අනුව මෙතෙක් රුපියල් 50 ක් වශයෙන් පැවති පළමු කිලෝමීටර් ගාස්තුව රුපියල් 60 දක්වා ඉහළට යනු ඇති. කෙසේ වෙතත් දෙවන කිලෝමීටරය සඳහා අය කළ ගාස්තුවේ වෙනසක් සිදු නොවන බවයි ඒ මහතා කියා සිටියේ.
පෙට්‍රල් මිල ඉහළ යාමට අමතරව අමතර කොටස් මිල ටයර්, ටියුබ්, මිල සේවා ගාස්තු ඉහළයාම හේතුවෙන් ත්‍රිරෝද ගාස්තු වැඩිකිරීමට තීරණය කළ බව ද සභාපති ජයවර්ධන මහතා වැඩිදුරටත් ප්‍රකාශ කළේ. මේ අතර ඉන්ධන මිල ඉහළගියද, ත්‍රිරෝද රථ ගාස්තු ඉහළ නොදමන බව සමස්ත ලංකා ත්‍රිරෝද රථ රියදුරන්ගේ සහ හිමිකරුවන්ගේ සංගමය පවසනවා.
එහි සභාපති සුදිල් ජයරුක් මහතා කියා සිටියේ, තම ත්‍රිරෝද රථ සඳහා ඉන්ධන සහනාධාරයක් ලබාදීමට රජයෙන් ඉල්ලීමක් කරන බවයි. එවැනි සහනාධාරයක් ලබාදෙන්නේ නම් එහි ප්‍රතිලාභ ජනතාවට ලබාදිය හැකි බවයි ලක් එෆ් එම් ප්‍රවෘත්ති කළ විමසීමකදි ඒ මහතා කියා සිටියේ.