පක්ෂ කිහිපයක් එක්ව ස්ථාපිත කල සම්මුතිවාදී ආණ්ඩුවකින් එක් පක්ෂයක් ඉවත් වූ විට අග්‍රාමාත්‍ය ධූරය පුරප්පාඩු වන බවට වගන්තියක් 19 වන ව්‍යවස්ථාවේ අන්තර්ගත නොවන බව ජනතා විමුක්ති පෙරමුණ පවසනවා.
පාර්ලිමේන්තු මන්ත්‍ර වෛද්‍ය නලින්ද ජයතිස්ස මහතා නුවරදී මාධ්‍යයට අදහස් දක්වමින් කියා සිටියේ ජනාධිපතිවරයාගේ බලතල රැසක් 19 වන ව්‍යවස්ථාව යටතේ සංශා්ධනය කෙරුණු බවයි.
ජනාධිපතිවරයා පත් කල අග්‍රාමාත්‍යවරයාට පාර්ලිමේන්තුවේ බහුතරය නොමැති බව ඔප්පු වී ඇති හෙයින් සියලු පාර්ශව එය පිළිගෙන ව්‍යවස්ථාවට අනුව ක්‍රියා කල යුතු බවයි නලින්ද ජයතිස්ස මහතා ප්‍රකාශ කළේ.
ජනාධිපතිවරයා ව්‍යවස්ථාව තවදුරටත් උල්ලංඝණය කරන්නේ නම් ඔහුට එරෙහිව දෝෂාභියෝගයක් ගෙනඒමට ප්‍රතිපාදන ව්‍යවස්ථාව තුලම අන්තර්ගත බවද මන්ත්‍රීවරයා පෙන්වා දුන්නා.