මේ මොහොතේ මුලින්ම පැවැත්විය යුත්තේ ජනාධිපතිවරණයක් බව එක්සත් ජනතා නිදහස් සන්ධාන පාර්ලිමේන්තු මන්ත්‍රී කුමාර වෙල්ගම මහතා අවධාරණය කරයි.
ජනාධිපතිවරණ අපේක්ෂකයා සුදුසු වේලාවට කරළියට පැමිණෙනු ඇති බව සඳහන් කළ ඒ මහතා ඔහු අලුත් මුහුණක් වනු ඇති බවට ඉඟියක් ද ලබා දුන්නේය.
ශ්‍රීලනිප කණ්ඩායමක් චන්ද්‍රිකා බණ්ඩාරනායක මහත්මිය සමඟ එක්ව එක්සත් ජාතික පෙරමුණු ආණ්ඩුවට එක්වීමේ සූදානමක් පිළිබඳ පළවන පුවත් සම්බන්ධයෙන් අදහස් දක්වමින් ඒ මහතා පැවසුවේ එවැන්නක් සිදුවිය හැකි බවයි.
“එහෙම එකක් වෙන්න පුළුවන්. මාත් එහෙම එකක් මාධ්‍යයෙන් දැක්කා. එහෙම වෙන්න ඉඩ තියෙනවා. මොකද සමහර ශ්‍රී ලංකා එකේ අය එහාට පැන්නා, මෙහාට පැන්නා, එහාට පැන්නා, මෙහාට පැන්නා. ඉතිං ඒ පැනලා පුරුදු එකා යනවාම තමයි” යනුවෙන් වෙල්ගම මහතා ප්‍රකාශ කළේය.