අඩු අමාත්‍යංශ සංඛ්‍යාවක් තුළ කැබිනට් අමාත්‍ය ධූර අඩු කිරීමෙන් සහ ප්‍රාග්ධන වියදම් ව්‍යාපෘති යළි සුපරීක්ෂණයෙන් රජයේ වියදම් අඩු කිරීමට අපේක්ෂා කරන බව මුදල් අමාත්‍යංශය පවසයි.
2018 වර්ෂය සඳහා ඉලක්කගත දළ දේශීය නිෂ්පාදිතයෙන් 1.8% ක ප්‍රාථමික අතිරික්තයක් සහ අයවැය හිඟය දළ දේශීය නිෂ්පාදිතයෙන් 4.9% ක ආසන්න අගයක පවත්වා ගැනීම රජයේ අරමුණයි.
ඒ තුළින් ආර්ථික ස්ථාවරභාවය ඇති කිරීම සඳහා රාජ්‍ය මූල්‍ය ඒකාග්‍රතාව තවදුරටත් ළඟාකරගත හැකි වෙතැයි රජය විශ්වාසය පළ කරනු ඇත.
මේ අතර විනිමය අනුපාත ස්ථාවරව පවත්වා ගැනීම සඳහා මෙන්ම විදේශ වෙළෙඳාම සහ විදේශ ගනුදෙනු තවදුරටත් ඒකාග්‍ර කිරීම සඳහාගත හැකි ක්‍රියාමාර්ග සළකා බලමින් ඇතැයි ද මුදල් අමාත්‍යංශය ප්‍රකාශ කළේ ය.