![](https://rvz798.n3cdn1.secureserver.net/wp-content/uploads/2020/10/30.8.gif)
ඇඳිරිනීතිය ප්රකාශයට පත් කිරීමෙන් පසු බස්නාහිර පළාතේ සිට පිටත්ව ගොස් හෝටල් ලැගුම් හල් සහ නවාතැන් ගන්නා ස්ථානවල රැඳි සිටින පිරිස්වල තොරතුරු සෙවීමේ විශේෂ මෙහෙයුමක් ආරම්භ කර තිබේ.
පොලිස් මාධ්ය ප්රකාශක නියෝජ්ය පොලිස්පති නීතිඥ අජිත් රෝහණ මහතා ප්රකාශ කළේ, ඊයේ (29) මධ්යම රාත්රියේ සිට ඇඳිරිනීතිය පනවන බවට ප්රකාශයට පත්කිරීමෙන් පසු ඇතැම් පිරිස් පොලීසිය සහ පොලිස් මාර්ග බාධක මඟහැර බස්නාහිර පළාතෙන් පිටව ගොස් ඇති බවට තොරතුරු ලැබී ඇත.
එවැනි පුද්ගලයන් සම්බන්ධයෙන් නිරෝධායන නීතිවලට අනුව කටයුතු කිරීමට නියමිතය.
මේ අතර සඳුදා ඇඳිරිනීතිය ඉවත් කළ පසු නැවත කොළඹට පැමිණීමේ දී ද ඔවුන් කොළඹින් පිටත්ව ගිය ආකාරය පිළිබද ප්රශ්න කර නීතිමය ක්රියාමාර්ග ගන්නා බව පොලිස් මාධ්ය ප්රකාශකවරයා සඳහන් කළේය.