Colombo Today Local News

“අපි තරහයි“ නාට්‍යය ඉවරයි.. “අඹ යහළුවෝ“ දැන් පෙන්නනවා !!

එක්සත් ජාතික පක්ෂය හා ශ්‍රී ලංකා නිදහස් පක්ෂය අතර ගෙනියන හවුල් ආණ්ඩුව ඉදිරියටම ගෙන යන බවට. අමාත්‍ය මහින්ද අමරවීර මහතා ප්‍රකාශ කිරීම තුළින් ඡන්දය ලබා ගැනීමට මෙම දෙපිරිස කළ රඟපෑමක් බව පැහැදිලිව අනාවරණය වන බව ජාතික නිදහස් පෙරමුණ පවසයි.

එනිසා මේ වන විට අපි තරහයි නාට්‍ය අවසන් වී අඹ යාළුවෝ චිත්‍රපටය තිරගත වන බව ද පැවසු එම පෙරමුණේ ප්‍රචාරක ලේකම් හිටපු පාර්ලිමේන්තු මන්ත්‍රී මොහොමඩ් මහතා සඳහන් කරයි.

ඊයේ (22) කොළඹ පැවති මාධ්‍ය හමුවට එක්වෙමින් ඒ මහතා මෙම අදහස් පළ කළේය.

මෙවර පළාත් පාලන මැතිවරණයේ දී එක්සත් ජාතික පක්ෂයට අකමැති ජනතාව එක්සත් ජනතා නිදහස් සන්ධානයට හා ශ්‍රී ලංකා නිදහස් පක්ෂයට ඡන්දය ලබා දුන් බවත් සියයට 13 ක් වු එම ජනතාවට පිටු පා අද වන විට නැවතත් හවුල් ආණ්ඩුවක් පිහිටු වීමට උත්සහ කරන බව ද මුසම්මිල් මහතා කියා සිටියේය.

මැතිවරණය පැවැත්වීමට පෙර ශ්‍රී ලංකා නිදහස් පක්ෂය විසින් තනි ආණ්ඩුවක් පිහිටුවන බවට ජනතාවට බොරු පොරොන්දු ලබා දුන් අතර අද වන විට එම නාටකයේ අවසන් අංගය වශයෙන් කැබිනට් මණ්ඩලය පමණක් සංශෝධනය කිරීමට සැරසෙන බව ද මුසම්මිල් මහතා සඳහන් කළේය.

මේ වන විට රට තුළ දැවැන්ත අස්ථාවරභාවයක් ඇති ව තිබෙන බවත් නැවතත් හවුල් ආණ්ඩුවක් ඇති කිරීමට යෑමෙන් රට තවත් විනාශ වන බව ද ඔහු සඳහන් කළේය

Related posts

පාර්ලිමේන්තුවේ දිනක වියදම කෝටි දෙකහමාරයි.. ගුටි ඇණගත් දින දෙකට කෝටි පහයි

colombotoday

මත්කුඩුවලට ඇබ්බඅහිවූවන් පුනරුත්ථාපන කරන මුවාවෙන් හෙරොයින් විකුණලා

colombotoday

එජාප පාර්ලිමේන්තු මන්ත්‍රී ධුරය රනිල් ප්‍රතික්ෂේප කරයි

colombotoday

උතුරට එක නීතියක්.. දකුණට තව නීතියක් – මහින්දගෙන් ආණ්ඩුවට ප්‍රබල චෝදනාවක් (Video)

colombotoday

ජනපති සහ බැසිල් අතර හමුවක්

colombotoday

අන්තවාදීන් බිහිකරන මද්‍රසා නීතිගත කරන්න එපා. ඉස්ලාම් අධ්‍යාපන ක්‍රමයට බොදු බලෙන් යෝජනාවලියක්

colombotoday