Colombo Today Local News

සීතාවක පොඩ්ඩාගේ සමීපතමයින් දෙදෙනෙකු අවිස්සාවේල්ලේදී අත්අඩංගුවට

සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවෙකු වන “සීතාවක පොඩ්ඩා” යන අයගේ සමීපතමයින් දෙදෙනෙකු පොලිස් විශේෂ කාර්යය බලකාය විසින් අවිස්සාවේල්ල ප්‍රදේශයේ දී අත්අඩංගුවට ගෙන තිබේ.

පොලිස් විශේෂ කාර්යය බලකා සංවිධානාත්මක අපරාධ මර්දන ඒකකයේ නිලධාරින්ට ලැබුණු තොරතුරකට අනුව ඊයේ (01)දින දහවල් සිදුකළ වැටලීමක දී එක් සැකකරුවෙකු අත්අඩංගුවට ගෙන ඇත.

ඔහු සතුව තිබී ලියාපදිංචි නොකළ යතුරු පැදියක් සහ තියුණු ආයුධයක් සොයා ගත් බව පොලිසිය සඳහන් කරයි.

අදාළ පුද්ගලයා ප්‍රදේශයේ මහජනතාව බිය ගන්වා විවිධ ජාවාරම්වල නිරතව සිටි පුද්ගලයෙකු බව පොලීසිය සිදු කළ මූලික විමර්ශනවලින් අනාවරණය වී තිබේ.

මීට අමතරව ඊයේ පස්වරුවේ සිදුකළ වැටලීමක දී අනෙක් සැකකරු අත්අඩංගුවට ගෙන ඇති අතර ඔහු සතුව තිබී ලියාපදිංචිය තහවුරු නොකළ යතුරුපැදියක් සොයා ගත් බව පොලීසිය සඳහන් කළේය.

මීට අමතරව සංවිධානාත්මක අපරාධකරුවෙකු වන “ගයාන් උජිත නානායක්කාර” නමැත්තා විදේශ රටක නිෂ්පාදිත ගිනි අවියක් සමග මීගොඩ ප්‍රදේශයේ දී අත්අඩංගුවට ගෙන තිබේ.

ඊයේ රාත්‍රී පොලිස් විශේෂ කාර්යය බලකා සංවිධානාත්මක අපරාධ මර්දන ඒකකය සිදු කළ වැටලීමක දී මොහු අත්අඩංගුවට ගෙන ඇති අතර ඔහු සතුව තිබී බෝර 12 ගිනි අවියක්, එම උණ්ඩ දෙකක් හිස් පතුරම් කොපු 01ක් සහ තියුණු ආයුධ දෙකක් සොයා ගත් බව පොලීසිය සඳහන් කරයි.

අත්අඩංගුවට ගත් සැකකරු ප්‍රදේශයේ මහජනතාව බිය වද්දා විවිධ ජාවාරම්වල නිරත වූ පුද්ගලයෙකු බව පොලීසිය සිදු කළ මුලික විමර්ශනවලින් අනාවරණය වී තිබේ.

Related posts

අගමැතිට හා කැබිනට් මණ්ඩලයට එරෙහි පෙත්සම ගැන ශ්‍රේෂ්ඨාධිකරණයෙන් තීන්දුවක්…

colombotoday

එරොෆ්ලොට් ගුවන් යානයට එරෙහි වාරණ නියෝගය අත්හිටුවයි

colombotoday

කොළඹ සම්පුර්ණයෙන් වසා දැමීමට සාකච්ඡා ?

colombotoday

සීඅයිඩීය පර්පචුවල් ප්‍රධාන කාර්යාලය වටලයි – බැඳුම්කරයේ රහස්‌ ලිපි රැසක්‌ සොයා ගනී

colombotoday

අවුරුදු හතරක දැරියක් කෘෘරත්වයට පත් කළ පියෙකුට වැඩ වරදී

colombotoday

කෙරවලපිටිය බලාගාරයට නැප්තා ලීටර් ලක්‍ෂ 10 ක්

colombotoday