Colombo Today Local News

තෙවරප්පෙරුම ඇතුළු පස් දෙනාට ඇප

අධිකරණ නියෝග කඩ කිරීම, පොලිසියේ රාජකාරියට බාධා කිරීම ඇතුළු චෝදනා යටතේ රිමාන්ඞ් භාරයේ සිටි ආර්ථික කර්මාන්ත හා සමාජ සුබ සාධන නියෝජ්‍ය අමාත්‍ය පාලිත තෙවරප්පෙරුම මහතා ඇතුළු පස් දෙනකු රුපියල් ලක්‍ෂ දෙක බැගින් වූ ශරීර ඇප දෙකක් මත මුදාහරින ලෙස මතුගම ප‍්‍රධාන මහෙස්ත‍්‍රාත් නීතා හේමමාලි හාල්පන්දෙනිය මහත්මිය ඊයේ (16 දා) සවස නියෝග කළාය.

මතුගම මහෙස්ත‍්‍රාත් අධිකරණයේ නියෝගයක් මගින් තහනම් කළ තෙබුවන ගල්කන්දගොඩ ප‍්‍රදේශයේ ඉඩමක මළ සිරුරක් වළ දමමින් අධිකරණ නියෝග කඩ කිරීම, අධිකරණයට අපහාස කිරීම, අධිකරණ නියෝගය භාරදීමට ගිය තෙබුවන පොලිසියේ නිලධාරීන්ගේ රාජකාරියට බාධා කිරීම යන චෝදනා යටතේ පසුගිය 10 දා නියෝජ්‍ය ඇමැතිවරයා රක්‍ෂිත බන්ධනාගාරගත කිරීමට මතුගම ප‍්‍රධාන මහෙස්ත‍්‍රාත්වරිය නියෝග කළාය.

ඇපකරුවන්ගෙන් එක් අයකු මතුගම අධිකරණ බල ප‍්‍රදේශයේ අයකු විය යුතු බවටත් දෙසැම්බර් 10 දා නැවත නඩුව විභාගයට ගැනීමටත් මහෙස්ත‍්‍රාත්වරිය නියෝග කළාය. අධිනීතිඥ ගාමිණී නල්ලපෙරුම, සුනෙත් හපුහෙට්ටි, පුෂ්පකුමාර අමුගොඩ යන මහත්වරුන් ඇතුළු නීතිඥ පිරිසක් නියෝජ්‍ය ඇමැතිවරයා වෙනුවෙන් කරුණු දැක්වූහ.

Related posts

මෙරටින් වාර්ෂිකව හඳුනා ගැනෙන ළමා පිළිකා රෝගීන් ගණන 900ක්

Admin

තවත් ප්ලාස්ටික් නිෂ්පාදන වර්ග 7ක් තහනම් වෙයි

colombotoday

නවක පාර්ලිමේන්තු මන්ත්‍රීවරුන්ට දින තුනක පුහුණුවක්

colombotoday

“එක්නැලිගොඩ කොටියෙක් නෙවෙයි” පොලීසිය කියයි – බුද්ධි බළකා රණවිරුවන් නැවතත් සිරගෙට

colombotoday

මහින්ද – මෛත්‍රී එකතු වී එකම ලයිස්තුවකින් මැතිවරණයට !!

colombotoday

බස් වර්ජන අඛණ්ඩව – දුම්රිය වර්ජනය අතහරියි

colombotoday