ඇමතිවරයෙක් ලෙස කටයුතු කරමින් තම වාර්ෂික වත්කම් බැරකම් වාර්තා ඉදිරිපත් නොකිරීම තුළින් අල්ලස් පනත යටතේ වරදක් සිදුකර ඇතැයි චෝදනා කරමින් අමාත්‍ය ජොන්ස්ටන් ප්‍රනාන්දු මහතාට එරෙහිව අල්ලස් කොමිසම විසින් ගොනු කර ඇති නඩුවට අදාළ ලිඛිත දේශනා ජනවාරි මස 22 වනදා ඉදිරිපත් කරන මෙන් කොළඹ මහේස්ත්‍රාත් අධිකරණය නියම කළේය.
කොළඹ ප්‍රධාන මහේස්ත්‍රාත් ලංකා ජයරත්න මෙනවිය ඉදිරියෙ කැඳවනු ලැබීය.
විත්තියේ සහ පැමිණිලි පාර්ශවයෙ නීතිඥවරු අධිකරණයට දන්වා සිටියේ මෙම නඩුවේ පූර්වගාමී විනිසුරුවරයා ඉදිරියේ ඉදිරිපත් කරන ලද සාක්ෂි පදනම් කරගෙන මෙම නඩුව පවත්වාගෙන යාමට අධිකරණය හමුවේ එකඟතාව පළ කළේය.
2010 වසර සහ 2014 වසර දක්වා වූ කාලසීමාව තුළ අමාත්‍යවරයෙකු ලෙස කටයුතු කරමින් තම වාර්ෂික වත්කම් සහ බැරකම් ප්‍රකාශය ඉදිරිපත් නොකිරීම තුළින් අල්ලස් පනත යටතේ වරදක් සිදුකර ඇතැයි චෝදනා කොට අල්ලස් කොමිසම මගින් ජොන්ස්ටන් ප්‍රනාන්දු අමාත්‍යවරයාට එරෙහිව මෙම නඩුව ගොනු කර ඇත.