කුරුණෑගල රෝහලේ අධ්‍යක්ෂකවරයා ලෙස තාවකාලිකව පත්කරන ලද වෛද්‍ය එන්. ශරීඩ් මහතා එම ධුරයෙන් ඉල්ලා අස්වී තිබේ.
තමන් තනතුරේ වැඩ භාර ගත් දින සිටම තමන් සම්බන්ධ ජාතිවාදයක් නිර්මාණය කිරීමට කිසියම් පාර්ශ්වයක් උත්සාහ දැරීම හේතුවෙන් එම ධුරයෙන් ඉල්ලා අස්වීමට තීරණය කර ඔහු සඳහන් කළේය.
සාෆි සියාබ්දීන් වෛද්‍යවරයාට එරෙහිව අධිකරණයේ නඩුවක් විභාගයට ගැනෙන අවස්ථාවක තමන්ව ඔහුට සම්බන්ධ කර චෝදනා නැගීම සම්පූර්ණ වැරදි බව ද ඔහු කියා සිටියේය.
මේ හේතුවෙන් පවතින තත්ත්වය මත තමන්ට එම රෝහලේ රාජකාරී කිරීමට නොහැකි නිසා ධුරයෙන් ඉවත් වීමට තීරණය කළ බවද ඔහු සඳහන් කළේය.