පවතින දේශපාලන වාතාවරණය පිළිබදව සාකච්ඡා කිරීම සදහා ජනධිපති මෛත්‍රීපාල සිරිසේන මහතා සහ ශ්‍රී ලංකා නිදහස් පක්ෂ මැති ඇමතිවරුන් අතර විශේෂ සාකච්ඡාවක් ජනාධිපති ලේකම් කාර්යාලයේදී අද දහවල් පැවැත්වුණා.
ජනාධිපතිවරයා සමග ඉදිරියටත් අඛණ්ඩව කටයුතු කිරීමට ශ්‍රී ලංකා නිදහස් පක්ෂය ඒකමතිකව එහිදී තීන්දු කළ බවයි අමාත්‍ය එස්.බී. දිසානායක මහතා පවසන්නේ.
කෙසේ වෙතත් නිදහස් පක්ෂය ජාතික ආණ්ඩුවෙන් ඉවත්වන බවට නිදහස් සන්දාන ලේකම් මහින්ද අමරවීර ඊයේ රාත්‍රියේ ජනාධිපතිවරයාට ලිපියක් යොමුකළ බව පලවූ මාධ්‍ය වාර්තා පිළිබදව අදහස් දක්වමින් ශ්‍රීලනිප ජේෂ්ඨයෙකු පැවසූයේ එවැනි ලිපියක් මෙතෙක් යොමුකර නොමැති බවයි.