Colombo Today Local News

කොළඹ මධ්‍යම තැපැල් හුවමාරුවේ කටයුතු නැවත ඇරඹෙයි

කොළඹ මධ්‍යම තැපැල් හුවමාරුවේ රාජකාරි කටයුතු අදියර කිහිපයක් යටතේ අද (09)දින සිට ආරම්භ වේ.

ඒ අනුව අද සිට එහි ජාත්‍යන්තර අධිවේගී තැපෑල, ව්‍යාපාරික තැපෑල සහ දේශීය අධිවේගී කුරියර් සේවා ආරම්භ කරන බව තැපැල්පති රංජිත් ආරියරත්න මහතා පැවසුවේය.

ලියාපදිංචි ලිපි අංශයේ තේරිම් කටයුතු හෙට (10)දිනයේ සිට ආරම්භ කිරීමට සැලසුම් කර තිබේ.

එමෙන්ම කොළඹ නගරයේ සහ තදාසන්න ප්‍රදේශවල රජයේ කාර්යාල වෙත ලියාපදිංචි ලිපි බෙදීමේ කටයුතු 11 වනදා සිට ආරම්භ කරන බව ද තැපැල් දෙපාර්තමේන්තුව සඳහන් කළේය.

කෙසේවෙතත් සීමිත කාර්ය මණ්ඩලයක් යොදා ගනිමින් සේවා පවත්වාගෙන යාම හේතුවෙන් රාජකාරි කටයුතුවල යම් ප්‍රමාදයක් සිදුවිය හැකි බව තැපැල්පති රංජිත් ආරියරත්න මහතා පැවසුවේය.

කොළඹ මධ්‍යම තැපැල් හුවමාරුවේ කාර්යය මණ්ඩලය අහඹු පී.සී.ආර් පරීක්ෂණයකට ලක්කිරීමෙන් පසු කොවිඩ් ආසාදිත රෝගීන් තිදෙනෙකු හඳුනාගැනිම හේතුවෙන් පසුගිය 05 වනදා සිට එහි රාජකාරි කටයුතු සම්පූර්ණයෙන් අත්හිටුවා තිබුණි.

Related posts

වැල්ලවායේදී බස් රථ අනතුරක්

Admin

ජනපති – අගමැති අනුමැතිය ලැබේ.. ග්ලයිපොසෙට් තහනම් ඉවත් කෙරේ

colombotoday

දේශපාලන කුණාටුව අස්සේ ඇමරිකානු නාවික හමුදාව ලංකාවට…. නාවික කදවුරක් ඇරඹීමට සූදානම්

colombotoday

මෙරට ආර්ථික වර්ධනය පසුබසී

Admin

පරිසර අමාත්‍යාංශය ජනපති යටතට

Admin

බොර තෙල් නැවේ තොග ගොඩබෑම අද අරඔයි

colombotoday