Colombo Today Local News

කැනඩාවට යන්න මුදල් බදින්න ගිය තරුණයාගේ සිරුර වැවකින් හමුවෙයි

කැනඩාවට යෑමට සුදානමින් සිටි තරුණයෙකුගේ මළ සිරුරක් මල්ලාවි වවුනිකුලම වැවේ තිබි සොයාගත් බව මල්ලාවි පොලිසිය පවසනවා.

මුලතිව්, මල්ලාවි, යෝගපුරම් ප්‍රදේශයේ පදිංචි 27 හැවිරිදි ආනන්දරාසා සජීවන් නමැති තරුණයෙකුගේ මළ සිරුරක් එලෙස හමුව ඇති බව සඳහන්.

අදාළ තරුණයා කැනඩාව බලා පිටත්ව යාමට අගෝස්තු 01 වැනිදා සුදානමින් සිට ඇති බවත් ඒ වෙනුවෙන් රුපියල් ලක්ෂ 20ක් ඩොලර්වලට මාරු කිරීමට ගොස් ඇති අතර, අදාළ අවස්ථාවේදී තරුණයා මරණයට පත්ව ඇති බවට ප්‍රදේශවාසීන් පවසනවා.

තරුණයා ඊයේ (30) දින නිවසින් පිටත්ව ගොස් ඇති අතර, අනතුරුව තරුණයාගේ දුරකථනයෙන් පිළිතුරු නොලැබී ඇති බවත්, සිදුවීම සම්බන්ධයෙන් ලද පැමිණිලි මත පරීක්ෂා කර බැලීමේදී තරුණයාගේ යතුරුපැදිය වවුනිකුලම වැව අසල තිබී සොයාගත් බවද පොලිසිය කියා සිටියා.

අනතුරුව තරුණයා සොයා ප්‍රදේශවාසීන් හා පොලිසිය අදාළ ප්‍රදේශයේ පරීක්ෂා කිරීමේදී වවුනිකුලම වැවේ තිබි තරුණයාගේ මළ සිරුර හමුව තිබෙනවා.

තරුණයාගේ මුදල් දැක අදාළ මුදල ලබා ගැනීමට තරුණයා ඝාතනය කරන්නට ඇති බව පොලිසිය සැක පළ කරයි.

මළ සිරුර පශ්චාත් මරණ පරීක්ෂණ වෙනුවෙන් මුලතිව් රෝහල් මෘත ශරීරාගාරයට යොමුකොට තිබෙනවා.

Related posts

මහ නාහිමිවරුන්ගේ ප්‍රකාශ ජනතා මතයයි… අප එයට ගරු කළ යුතුයි – මධ්‍යම ආණ්ඩුකාර නිලූකා

colombotoday

අසාධ්‍ය තත්වයෙන් රෝහල් ගත කළ මැග්නිෆිකා නෞකාවේ සිටි ජර්මන් කත මියයයි

colombotoday

උතුරෙන් දැවැන්ත ජන ගගක් කොළඹට… කොටි සැකකරුවන් නිදහස් කරන්න ඉල්ලා උද්ඝෝෂණයකට සැරසෙයි…

colombotoday

බුදු පිළිම කැඩුවාම අපි ආණ්ඩුව ඇතුළේ අරගල කළා… විපක්ෂයේ ‘කොටි එනවෝ‘ කතා නිසා ආරක්ෂක අංශ නොමග ගියා !!

colombotoday

ජනපති සටනට රනිල් ස්වාධීන අපේක්ෂකයෙකු ලෙස ඇප තැන්පත් කරයි

Admin

මීරිගම සිට කුරුණෑගල දක්වා අධිවේගී මාර්ගයේ දෙවැනි අදියර මේ වසර අවසානයේදී ජනතා අයිතියට

colombotoday