එප්පාවල නල්ලමුදාවේ පිහිටි විහාරස්ථානයක වැඩ වසන හිමිනමකට එරෙහිව විරෝධතාවයේ නිරත වූ කාන්තාවන් පිරිසක් විසුරුවා හැරීමට යෑමේදී කාන්තාවකට අමානුෂික අයුරින් පහර දුන් එප්පාවල මූලස්ථාන පොලිසියේ අපරාධ විමර්ශන අංශයේ වැඩ බලන ස්ථානාධිපතිවරයාගේ සේවය ඊයේ සිට වහාම අත්හිටුවීමට උතුරු මැද පළාත් භාර ජ්‍යෙෂ්ඨ නියෝජ්‍ය පොලිස්පති රංජිත් අබේසිරි ගුණවර්ධන මහතා නියෝග කර තිබේ.
එම සිද්ධිය සම්බන්ධයෙන් පරීක්ෂණ පැවැත්වීමට කැබිතිගොල්ලෑව සහකාර පොලිස් අධිකාරි සේනක ජයසිංහ මහතා පත්කර තිබෙන බව අනුරාධපුර කොට්ඨාස භාර පොලිස් අධිකාරිවරයා සඳහන් කළේය.
මෙලෙස වැඩ තහනමට ලක්ව ඇත්තේ එප්පාවල පොලිසියේ අපරාධ විමර්ශන අංශයේ ස්ථානාධිපති ලෙස කටයුතු කළ පොලිස් පරීක්ෂක අබේවර්ධන මහතාගේය. අදාළ සිද්ධිය සම්බන්ධයෙන් අනුරාධපුර කොට්ඨාස භාර පොලිස් අධිකාරි තිළිණ ප්‍රියංකර හේවාපතිරණ මහතාගේ උපදෙස් මත කැබිතිගොල්ලෑව සහකාර පොලිස් අධිකාරි සේනක ජයසිංහ මහතා විසින් කරන ලද පරීක්ෂණයකින් අනතුරුව සිද්ධියට සම්බන්ධ පොලිස් පරීක්ෂකවරයා වැඩ තහනමට ලක්කර ඇත.
[fbvideo link=”https://www.facebook.com/100014398575270/videos/361791394310810/” width=”500″ height=”400″ onlyvideo=”1″]