Colombo Today Local News

කළුගඟේ මැණික් නිධානය රකින්න STF යොදවයි…

දකුණු ආසියාවේ විශාලතම මැණික් සංචිතය ඇතැයි කියන කිරිඇල්ල ප්‍රදේශයේ කළු ගඟේ “මැණික් නිධානය” නම්වූ ස්ථානය දේශපාලන බලය යොදා ගොඩදැමීම වැළැක්වීමට පොලිස් විශේෂ කාර්ය බළකා විශේෂ කණ්ඩායම් යොදවන්නැයි ආරක්ෂක ලේකම් මේජර් ජෙනරාල් කමල් ගුණරත්න නියෝග කර ඇත.

ජාවාරම පිටුපස මැණික් හා ස්වර්ණාභරණ අධිකාරියේ පිරිසකුත්…

“මැණික් නිධානය” නමැති මෙම ස්ථානයේ අනවසර ලෙස මැණික් ගැරීමට ගිය ප්‍රබල දේශපාලනඥයකුගේ කණ්ඩායමක් අත්අඩංගුවට ගැනීමට යාමේදී පොලිස් විශේෂ කාර්ය බළකාය ඇතුළු පොලිස් කණ්ඩායම්වලට එල්ල වූ බලපෑම ගැන වහාම සොයා බලන්නැයි ජනාධිපති ගෝඨාභය රාජපක්ෂ ආරක්ෂක ලේකම්වරයාට නියෝග කර ඇත. ආරක්ෂක ලේකම්වරයා මෙම පියවර ගෙන ඇත්තේ එම නියෝගයට අනුවය.

රජයට අයිතිය ඇති භූමියක පිහිටි එම මැණික් නිධිය නීති විරෝධී ලෙස ගොඩගැනීමට කිසිවකුට ඉඩ නොදෙන්නැයි ජනාධිපතිවරයා ආරක්ෂක ලේකම්වරයාට උපදෙස් දී තිබේ. මේ අනුව ආරක්ෂක ලේකම්වරයා වැ. බ. පොලිස්පති චන්දන වික්‍රමරත්නට දුන් නියෝග මත පොලිස් විශේෂ කාර්ය බළකා සේනාධිනායක නියෝජ්‍ය පොලිස්පති වරුණ ජයසුන්දර විශේෂ යතුරුපැදි ප්‍රහාරක කණ්ඩායමක් එම ප්‍රදේශයට පිටත් කර තිබේ.

මෙම ජාවාරම පසුපස ප්‍රබල දේශපාලනඥයින් දෙදෙනකු හා මැණික් හා ස්වර්ණාභරණ අධිකාරියේ නිලධාරීන්ද සිටින බවට බුද්ධි අංශ මගින් ආරක්ෂක අමාත්‍යංශයට වාර්තාවක් ලබාදී ඇත.

Related posts

කුරුණෑගල කටුපොතට පිවීසීම අවහිර කරයි

colombotoday

මරාගෙන මැරුණු ඉබ්‍රාහිම්ගේ ගෝලයෝ 3 ක් පොලිස් දැලේ

colombotoday

ගම්බිම් බලා ගිය අයට කොළඹට එන්න විශේෂ ප්‍රවාහන සේවා

Admin

අසාධාරණ බදු වහා හකුලා ගනු – පාරිභෝගිකයින් සුරැකීමේ සංවිධානය

colombotoday

අනතුර වළකන්න ගිය බසය පෙරළී 27ක් රෝහලේ

Admin

වසරකට ගවයන් 73000 ක් ඝාතනය කෙරේ.. ඉස්ලාම්කරණය වූ කොළඹ නගරයම ගව ඝාතකාගාරයක් !

colombotoday