අධිකරණය විසින් රක්ෂිත බන්ධනාගාර ගතකිරීමෙන් අනතුරුව, මැගසින් බන්ධනාගාරයේ රඳවා සිටින පාර්ලිමේන්තු මන්ත්‍රී රිෂාඩ් බදුයුදීන් ඔහුගේ සිර මැදිරිය තුල ඊයේ (1) දිනයේදී දුරකතනයකින් කතාකරමින් සිටියදී ප්‍රධාන ජේලර්වරයාට සහ තවත් ජේලර්වරයෙකුට හසුවී තිබෙනවා.
ජේලර්වරුන් පැමිණෙනවා දුටු රිෂාඩ් බදුයුදීන් දුරකථනය සිර මැදිරියේ කවුළුව තුලින් එලියට විසිකර තිබෙනවා.
පසුව එම දුරකථනය අදාළ ප්‍රධාන ජේලර්වරයා විසින් අත්අඩංගුවට ගෙන වැඩිදුර පරීක්ෂණ සඳහා බුද්ධි අංශ භාරයට පත්කර තිබෙනවා.
මෙම සිද්ධිය සම්බන්ධව බන්ධනාගාර ආඥ්ඥා පනතේ විධි විධාන අනුව කටයුතු කරන බව බන්ධනාගාර මාධ්‍ය ප්‍රකාශක චන්දන ඒකනායක මහතා පැවසීය.
මීට ඉහතදී බන්ධනාගාර වෛද්‍යවරයෙකුට ද රිෂාඩ් බදුයුදීන් විසින් මරණ තර්ජන එල්ල කිරීමේ සිද්ධියක් සම්බන්ධයෙන් ද පරීක්ෂණ ක්‍රියාත්මක වෙමින් පවතී.