ශ්‍රී ලංකා පොළිසියට අවශ්‍යව සිටින මිනිමැරුම් චෝදනා ලබා සිටින හා මත්ද්‍රව්‍ය ජාවාරම් කාරයෙකු වන කුඩු අංජු නම් පුද්ගලයාගේ ඥාතී සහෝදරයෙකු වන 27 හැවිරිදි චාමර සදරුවන් නැමැත්තා හා ඔහුගේ බිරිද වන 24 හැවිරිදි කාන්තාව (රංගන ශිල්පිණියක්) ඊයේ රාත්‍රියේදී අතුරුගිරිය මිලේනියම් සිටියේදී අත්අඩංගුවට ගෙන ඇත.
අතුරුගිරිය පොළිසියේ කොට්ඨාශ බුද්ධි අංශයට ලද තොරතුරක් මත මෙම වැටලීම සිදුකර ඇති අතර එහිදි ඔවුන් සතුව තිබු අයිස් මත්ද්‍රව්‍ය ග්‍රෑම් 25 ක් මුදල් රු ලක්ෂ 14 ක් මුදල් ගනින යන්ත්‍ර 3 ක් ජංගම දුරකතන 3 ක් මෝටර් රථයක් සොයාගෙන ඇත.
මෙම පුද්ගලයා ලැබෙන දුරකතන ඇමතුම් මත පිළියන්දල කොට්ටාව අතුරුගිරිය මහරගම ප්‍රදේශවලට ගොස් එකතු කරගන්නා මුදල් රැගෙන ඇවිත් නැවත ලැබෙන දුරකතන ඇමතුම මත ගෙන ගොස් බාරදීම සිදුකර ඇත.
මීට දින 3ට ඉහතදී කෝටි 10 මුදල් සංසරණයවි ඇති බව සොයාගෙන ඇත මෙම දෙදෙනා කඩුවෙල අධිකරණයට ඉදිරිපත් කර රැදවුම් නියෝග ලබාගැනීමට නියමිතයි.