රනිල් වික්රමසිංහ මහතා නැවත වරක් එජාප පසුපෙළ මන්ත්‍රීවරු රැවටීමට ලක්කල බව එම පක්ෂ පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර මහත්මිය පවසයි.
රනිල් වික්රමසිංහ මහතා එක්සත් ජාතික පක්ෂ නායකත්වයෙන් ඉවත් වී පක්ෂයේ අනුශාසක වරයෙක් වශයෙන් සිටිය යුතු බවත් ඒ පිළිබදව කිසිවෙකුගේ අකමැත්තක් නොමැති බවත් ඇය සදහන් කරයි.
නායකත්වය පිළිබදව ඇති කලකිරීම නිසා තමන් මැයි රැළියට සහභාගී නොවූ බවත්, පක්ෂයේ ප්‍රබලයන් කිහිප දෙනෙකුද එම තීරණය ගෙන ඇති බවත් සදහන් කළ ඇය 2020 ජනාධිපතිවරණයට ඉදිරිපත් වී රනිල් වික්රමසිංහ මහතා පරාජය වුවහොත් ඔහු යලිත් විපක්‍ෂ නායක ලෙස කටයුතු කරනු ඇති වුවත් තමන් ඇතුළු මහජන නියෝජිතයන්ට ජනතාවට කීමට දෙයක් නැති වන බවද සදහන් කර සිටියාය.
හිරුණිකා ප්‍රේමචන්ද්‍ර මහත්මිය මෙම අදහස් පලකළේ දෙරණ රූපවාහිනියේ ‘මොකද වුණේ’ වැඩසටහන සමග එක්වෙමිනි.