අමෙරිකානු ජනාධිපති ඩොනල්ඩ් ට්‍රම්ප්ට නියමිත දිනට පෙර ධුරයෙන් ඉවත් වන ලෙස එරට විපක්ෂ බලවේග දැඩි ඉල්ලීම් සිදුකර තිබේ.
කැපිටල් ගොඩනැල්ලේ ඇති වු සිද්ධියෙන් පසු ඩොනල්ඩ් ට්‍රම්ප්ට එරෙහිව ජාතික හා ජාත්‍යන්තර වශයෙන් විරෝධතා එල්ල වී ඇති බව වාර්තා වේ.
ට්‍රම්ප් පරිපාලනයේ නිලධාරින් කිහිපදෙනෙකු ද ඊයේ (07)දින ඉල්ලා අස් වී තිබේ.
එරට ආණ්ඩුක්‍රම ව්‍යවස්ථවේ 25 වන සංශෝධනයට අනුව උප ජනාධිපතිවරයා සහ කැබිනට් මණ්ඩලයේ 08 දෙනෙකුගේ ඉල්ලීමකින් ජනාධිපතිවරයා ඉවත් කිරිමේ හැකියාව පවතී.
කථානායිකා නැන්සි ෆෙලොසි ප්‍රකාශ කර ඇත්තේ, ට්‍රම්ප් ඉවත් නොවන්නේ නම් ඔහුට එරෙහි දෝෂාභියෝගයක් ඉදිරිපත් කරන බවය.