කොළඹ අපරාධ කොට්ඨාසයේ නිලධාරියෙකුගේ සහෝදරයෙක් හෙරොයින් කිලෝ ග්‍රෑම් 23ක් සමග අත්අඩංගුවට ගෙන තිබේ.
සපුගස්කන්ද, සමාධි මාවත ප්‍රදේශයේ දී මීගහවත්ත පොලීසිය කළ වැටලීමක දී එම පුද්ගලයා අත්අඩංගුවට පත්ව ඇත.
සැකකරු වයස අවුරුදු 37 ක් වු එම ප්‍රදේශයේ පදිංචිකරුවෙක් වන අතර ඔහු ප්‍රදේශයේ වඩු මඩුවක් ද පවත්වාගෙන ගොස් තිබේ.
සැකකරුගේ සහෝදරයා වන කොළඹ අපරාධ කොට්ඨාසයේ නිලධාරියා පිළිබඳව ද මේ වන විට විමර්ශන සිදුකෙරෙන බව පොලීසිය පවසයි.