පාර්ලිමේන්තුව විසුරුවා හැරිමෙන් පසුව පොලොන්නරුවේ ඇති වෙලා තියෙන රාජ්‍ය භිෂණය අවසන් වන බව හිටපු ජනාධිපති මෛත්‍රීපාල සිරිසේන මහතා පවසයි.
ශ්‍රී ලංකා නිදහස් පොදුජන සන්ධානයේ පොලොන්නරුව දිස්ත්‍රික් මැතිවරණ කාර්යාලය විවෘත කිරිමේ අවස්ථාවට එක්වෙමින් මෛත්‍රිපාල සිරිසේන මහතා මේ බව සඳහන් කළේය. උත්සවය ඇමතු මෛත්‍රිපාල සිරිසේන මහතා මෙසේ පැවසීය.
”පහුගිය දවසක ඇවිදිනකොට මම හොද දර්ශනයක් දැක්කා පරාක්‍රම සමුද්‍රයේ දියකාවෝ ඉන්නවනේ හරියට දියකාවෙක් ඇවිත් මාලුවෙක් අරන් ගලක් උඩට ගිහින් කන්න පටන් ගත්තා විතරයි එකපාරටම දියකාවා දන්නේ නෑ උකුස්සෙක් ආවා උඩ ඉදලා උකුස්සෙක් ඇවිත් දියකාවාගේ කටේ හිටපු මාලුව මෙහෙම කරන කොට අරගෙන යන්න ගියා. ඉතින් ඒ වගේ අපිත් ගහන ගැහිල්ල උකුස්සෝ ගහනවා වගේ තමා ගහන්නේ”