Colombo Today Local News

ආණ්ඩුකාරවරු සිව්දෙනෙක් 18 තෙක් නිවාඩු ගන්වන්න – මහින්ද දේශප්‍රිය ජනපතිගෙන් ඉල්ලයි

ආණ්ඩුකාරවරුන් සිව්දෙනෙකු පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ ජනාධිපතිවරණ ව්‍යාපාරය වෙනුවෙන් ප්‍රසිද්ධියේ කටයුතු කරන බැවින් ඔවුන් සිවුදෙනා ලබන 18 වැනිදා තෙක් තාවකාලිකව නිවාඩු ගන්වන්නැයි මැතිවරණ කොමිසන් සභාවේ සභාපති මහින්ද දේශප්‍රිය මහතා ජනාධිපති මෛත්‍රීපාල සිරිසේන මහතාගෙන් ඉල්ලීමක් කර ඇත.

මැතිවරණ කොමිසන් සභාවේ සභාපතිවරයා ජනාධිපතිවරයා වෙත ලිපියක් යවමින් මෙම ඉල්ලීම කර තිබේ.උතුරු මැද ආණ්ඩුකාර සරත් ඒකනායක, වයඹ වළාත් ආණ්ඩුකාර පේෂල ජයරත්න,බස්නාහිර ආණ්ඩුකාර ඒ.ජේ.එම් මුසම්මිල් සහ නැගෙනහිර ආණ්ඩුකාර ෂාන් විජයලාල්ද සිල්වා යන මහත්වරුන්ට මෙසේ ලබන 18 වැනිදා තෙක් නිවාඩු දෙන්නැයි මහින්ද දේශප්‍රිය මහතා සිය ලිපියෙන් ඉල්ලා ඇත.

මෙම ආණ්ඩුකාරවරුන් සිවු දෙනා ගෝඨාභය රාජපක්ෂ මහතාගේ මැතිවරණ ව්‍යාපාරය වෙනුවෙන් ප්‍රසිද්ධියේ කටයුතු කරන බවට මැතිවරණ කොමිසන් සභාවට ලැබී ඇති පැමිණිලි සැලකිල්ලට ගනිමින් එහි සභාපතිවරයා ජනාධිපතිවරයාගෙන් මෙම ඉල්ලීම කර ඇති බව වාර්තාවේ.

මේ අතර මැතිවරණ කොමිසන් සභාවේ සභාපතිවරයා එම ආණ්ඩුකාරවරුන් සිවු දෙනාට ද මීට පෙර මේ බව දැනුම් දී ඇතැයි වාර්තා වේ.

Related posts

සයිබර් ආරක්ෂණයට නව නීති සැකසේ

colombotoday

සයින්දමර්දු බෝම්බ ප්‍රහාරයේ සාක්ෂි සැඟ වු පොලිස් නිලධාරියෙක් අත්අඩංගුවට

colombotoday

තවත් වොක්ස්වැගන් පන්නයේ බොරුවක් මාට්ටුයි… ඕමාන් රජයෙන් නිවේදනයක්…

colombotoday

ත්‍රිකුණාමලයේ වැඩිම මනාපය සමගි ජන බලවේගයේ තවුෆීක්ට

colombotoday

2005 පටන් කාපු බීපු හැටිත් මගෙන් අහනවා.. ඒ ගැන කියන්න මේ දවස්වල හට්ටි මුට්ටි ගණන් කරනවා

colombotoday

මිනී භුමිදානයෙන් ජල මූලාශ්‍රවලට අපද්‍රවය එකතුවෙන්න පුළුවන්. පේරාදෙණිය විශ්වවිද්‍යාලයේ ජල භූ විද්‍යා මහාචාර්ය චන්ද්‍රා ජයසේන

colombotoday